ബാഹുബലിയുടെ രണ്ടാം ഭാഗത്തിന്റെ ചില ഭാഗങ്ങള്‍ കണ്ണൂരിലും ചിത്രീകരിക്കുമെന്ന് സൂചന. ഇതിനു മുന്നോടിയായി ചിത്രത്തിന്റെ ക്യാമറാമാന്‍ സെന്തില്‍ കുമാറും സംഘവും കണ്ണൂരിലെത്തി വിവിധ ലോക്കേഷനുകള്‍ സന്ദര്‍ശിച്ചു. പ്രൊഡക്ഷന്‍ രംഗത്ത് പ്രവര്‍ത്തിക്കുന്ന അരവിന്ദന്‍ കണ്ണൂരാണ് ചിത്രത്തിന്റെ കേരള ലൊക്കേഷനുകള്‍ കണ്ടെത്തുന്നത്. സെന്റ് ആഞ്ചലോസ് കോട്ട ഉള്‍പ്പെടെയുള്ള സ്ഥലങ്ങളാണ് സെന്തില്‍ കുമാര്‍ സന്ദര്‍ശിച്ചത്.
ഹൈദരാബാദിലെ ഷെഡ്യൂള്‍ പൂര്‍ത്തിയാക്കിയ ശേഷമാണ് ബാഹുബലി ടീം കണ്ണൂരിലേക്ക് എത്തുകയെന്നാണ് ഏറ്റവും ഒടുവിലെ വിവരങ്ങള്‍. പഴശ്ശിരാജ ചിത്രീകരിച്ച ചില വനപ്രദേശങ്ങളും ഉള്‍ഗ്രാമങ്ങളുമായിരിക്കും ലൊക്കേഷനാവുക എന്നാണ് ചിത്രത്തോട് അടുത്ത വൃത്തങ്ങള്‍ നല്‍കുന്ന സൂചന. കര്‍ണാടക, ഹിമാചല്‍ പ്രദേശ്, ഉത്തര്‍പ്രദേശ് എന്നിവിടങ്ങളിലും ബാഹുബലി 2 ചിത്രീകരിക്കുന്നുണ്ട്.
ബാഹുബലി ഒന്നാം ഭാഗത്തിന്റെ ചില രംഗങ്ങള്‍ അതിരപ്പള്ളിയിലും പരിസര പ്രദേശങ്ങളിലുമായി ചിത്രീകരിച്ചിരുന്നു. മനോഹരമായ ലൊക്കേഷനുകളാണ് കേരളത്തിലുള്ളതെന്ന് അന്ന് ംവിധായകന്‍ രാജമൗലി അഭിപ്രായപ്പെട്ടിരുന്നു.
Get real time update about this post categories directly on your device, subscribe now.
Discussion about this post