ഉത്തരേന്ത്യയിലും പാകിസ്താനിലും അഫ്ഗാനിലും ഭൂചലനം; തീവ്രത 5.3

ദില്ലി: ദില്ലിയടക്കം ഉത്തരേന്ത്യയുടെ വിവിധ ഭാഗങ്ങളിലും അഫ്ഗാനിസ്താന്‍, പാകിസ്താന്‍ എന്നിവിടങ്ങളിലും ഭൂചലനം. റിക്ടര്‍ സ്‌കെയിലില്‍ 5.3 തീവ്രത രേഖപ്പെടുത്തിയ ഭൂചലനം ഉച്ചയ്ക്കു രണ്ടരയോടെയാണ് അനുഭവപ്പെട്ടത്. ഹിന്ദുക്കുഷ് മേഖലയാണ് പ്രഭവകേന്ദ്രം.

കഴിഞ്ഞ കുറേ നാളുകളായി ഈ മേഖലയില്‍ ഭൂചലനം പതിവാണ്. രണ്ടു മാസം മുമ്പ് ഹിന്ദുക്കുഷ് പ്രഭവകേന്ദ്രമായി ഉണ്ടായ ഉഗ്രഭൂകമ്പത്തിന്റെ തുടര്‍ചലനങ്ങളാണ് ഇവയെന്നാണ് വിദഗ്ധര്‍ ചൂണ്ടിക്കാട്ടുന്നത്.