യൂത്ത് ഹോസ്റ്റലില് താമസിക്കുന്നതിനിടെ കുളിമുറിയില്വച്ചു ബലാത്സംഗത്തിനിരയായതു ഇന്സ്റ്റാഗ്രാമില് ലൈവ് ബ്ലോഗ് ചെയ്തു ഫെമിനിസ്റ്റ് കാമ്പയിനര്. ദക്ഷിണാഫ്രിക്കന് ആക്ടിവിസ്റ്റായ ആംബര് ആമറാണ് ലൈംഗിക പീഡനത്തിന് ഇരയാകുന്നവര് അക്കാര്യം തുറന്നു പറയാന് പ്രചോദിതരാകണം എന്ന ലക്ഷ്യത്തോടെ തനിക്കു നേരിട്ട ദുരനുഭവം ഇന്സ്റ്റാഗ്രാമില് പോസ്റ്റ് ചെയ്തത്.
കുളിമുറിയുടെ തറയില് ദുഃഖഭരിതയായി കണ്ണീരോടെ ഇരിക്കുന്ന തന്റെ ചിത്രത്തോടൊപ്പമാണ് താന് ഇരയായ ക്രൂരതയെക്കുറിച്ചു തുറന്നെഴുതിയത്. കുളിക്കുമ്പോള് അവിടെയെത്തിയ ആള് തന്നെ ലൈംഗിക ബന്ധത്തിന് നിര്ബന്ധിക്കുകയും എതിര്ത്തപ്പോള് അക്രമാസക്തനായി ബലം പ്രയോഗിച്ച് ബന്ധപ്പെടുകയുമായിരുന്നെന്നാണ് സംഭവങ്ങള് വിശദീകരിച്ചു പോസ്റ്റ് ചെയ്തിരിക്കുന്നത്.
സ്റ്റോപ്പ് റേപ്പ്, എഡ്യുക്കേറ്റ് എന്ന കാമ്പയിന് ദക്ഷിണാഫ്രിക്കയില് പ്രചാരണം നല്കുന്ന ആക്ടിവിസ്റ്റാണ് ആംബര്. ബലാത്സംഗം ചെയ്യപ്പെടുമ്പോഴുണ്ടാകുന്ന മാനക്കേടും വേദനയും ദുഖവും നിസഹായതയും എന്താണെന്നു വ്യക്തമാക്കാനാണ് താന് ഇക്കാര്യങ്ങള് പോസ്റ്റ് ചെയ്തതെന്നും ഇന്സ്റ്റാഗ്രമില് ആംബര് പറയുന്നുണ്ട്.
ആംബറിന്റെ ഇന്സ്റ്റാഗ്രാം പോസ്റ്റ് ചുവടെ
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here