അസിന്റെയും മൈക്രോമാക്‌സ് സ്ഥാപകന്‍ രാഹുല്‍ ശര്‍മ്മയുടെയും വിവാഹചിത്രങ്ങള്‍ പുറത്ത്. ക്രിസ്ത്യന്‍ മതാചാരപ്രകാരം അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തില്‍ കഴിഞ്ഞദിവസമായിരുന്നു ചടങ്ങുകള്‍. ദില്ലി ദുസിത് ദേവരാന ഹോട്ടലില്‍ നടന്ന ചടങ്ങില്‍ അമ്പതോളം പേര്‍ പങ്കെടുത്തു. അന്ന് വൈകുന്നേരം ഹിന്ദു ആചാരപ്രകാരവും ചടങ്ങുകള്‍ നടന്നു.
വേരാ വാങ്ക് ഡിസൈന്‍ ചെയ്ത വസ്ത്രങ്ങളാണ് അസിന് അണിഞ്ഞത്. ഹിന്ദു ആചാരപ്രകാരമുള്ള ചടങ്ങുകള്‍ക്ക് സബ്യസാചിയാണ് വസ്ത്രങ്ങള്‍ ഡിസൈന്‍ ചെയ്തിരിക്കുന്നത്. സുഹൃത്തുക്കള്‍ക്കായി ഇന്ന് മുംബൈയില്‍ റിസപ്ഷനും താരം ഒരുക്കിയിട്ടുണ്ട്.
ഏറെക്കാലമായി പ്രണയത്തിലായിരുന്നു അസിനും രാഹുലും. പ്രണയകഥ ഗോസിപ്പായി പരന്നതോടെ രാഹുലുമായുള്ള വിവാഹവാര്‍ത്ത അസിന് തന്നെ വെളിപ്പെടുത്തുകയായിരുന്നു. ലോകത്തിലെ തന്നെ പ്രായം കുറഞ്ഞ സമ്പന്നരായ ബിസിനസുകാരില്‍ ഒരാളാണ് രാഹുല്‍ ശര്‍മ്മ. നടന്‍ അക്ഷയ്കുമാറിന്റെ അടുത്ത സുഹൃത്തുകൂടിയായ രാഹുലിനെ അസിന് പരിചയപ്പെടുത്തിയതും അക്ഷയ് തന്നെയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
