ദില്ലി: ഐസിസി ഏകദിന ബാറ്റ്‌സ്മാന്‍മാരുടെ റാങ്കിംഗില്‍ ഇന്ത്യയുടെ രോഹിത് ശര്‍മയ്ക്ക് ചരിത്രനേട്ടം. കരിയറില്‍ ആദ്യമായി രോഹിത് ശര്‍മ ഐസിസി റാങ്കിംഗില്‍ ആദ്യ അഞ്ച് സ്ഥാനങ്ങളില്‍ ഇടംപിടിച്ചു. കഴിഞ്ഞ ദിവസം അവസാനിച്ച ഇന്ത്യ-ഓസ്‌ട്രേലിയ പരമ്പരയിലെ തകര്‍പ്പന്‍ ബാറ്റിംഗ് പ്രകടനമാണ് രോഹിതിന് റാങ്കിംഗില്‍ കയറ്റം നല്‍കിയത്. പരമ്പര ഇന്ത്യ തോറ്റിരുന്നെങ്കിലും പരമ്പരയിലുടനീളം 441 റണ്‍സ് അടിച്ച രോഹിത് പരമ്പരയുടെ താരമായും തെരഞ്ഞെടുക്കപ്പെട്ടിരുന്നു. രണ്ടു സെഞ്ചുറികളും ഒരു അര്‍ധ സെഞ്ചുറിയും രോഹിതിന്റെ റണ്‍വേട്ടയില്‍ അടങ്ങിയിരുന്നു.
വിരാട് കോഹ്‌ലിക്കു ശേഷം ഏകദിന ബാറ്റ്‌സ്മാന്‍മാരുടെ റാങ്കിംഗില്‍ ആദ്യസ്ഥാനങ്ങളിലെത്തുന്ന രണ്ടാമത്തെ ഇന്ത്യന്‍ താരമാണ് രോഹിത് ശര്‍മ. റാങ്കിംഗില്‍ കോഹ്‌ലി രണ്ടാമതാണ്. 761 റേറ്റിംഗ് പോയിന്റാണ് അഞ്ചാം സ്ഥാനത്തുള്ള രോഹിതിനുള്ളത്. 825 പോയിന്റുമായാണ് വിരാട് കോഹ്‌ലി രണ്ടാം സ്ഥാനം നിലനിര്‍ത്തിയത്. 900 പോയിന്റുമായി എബി ഡിവില്ലിയേഴ്‌സ് ഒന്നാം സ്ഥാനം നിലനിര്‍ത്തി.
അതേസമയം, എക്കാലത്തെയും മികച്ച ഫിനിഷറായ ഇന്ത്യന്‍ നായകന്‍ എംഎസ് ധോണി ആറു സ്ഥാനം നഷ്ടപ്പെടുത്തി 13-ാം സ്ഥാനത്തേക്ക് പിന്തള്ളപ്പെട്ടു. ധോണിയുടെ അടുത്തകാലത്തെ പ്രകടനങ്ങളാണ് ധോണിയുടെ സ്ഥാനം നഷ്ടപ്പെടാന്‍ കാരണം. ഇപ്പോള്‍ ഉപനായകനായ കോഹ്‌ലിയേക്കാള്‍ 64 പോയിന്റ് കുറവാണ് ധോണിക്ക്.
Get real time update about this post categories directly on your device, subscribe now.
Discussion about this post