ബറേലി: വായിച്ചാല് ചിരി തോന്നുമെങ്കിലും സത്യത്തില് ഇങ്ങനെയും നടന്നു. ഉത്തര്പ്രദേശിലെ ബറേലിയിലാണ് സംഭവം. പരസ്പരം ഒത്തുപോകാനാവാത്തതിനാല് പിരിഞ്ഞ രണ്ടുപേര് പുതിയ പങ്കാളികളെ കണ്ടെത്തിയാലോ എന്നു കരുതിയാണ് ഫേസ്ബുക്കില് ഫേക്ക് അക്കൗണ്ടില് എത്തിയത്. എന്നാല് ഇവിടെവച്ച് ഈ ഫേക്ക് അക്കൗണ്ടുകാര് രണ്ടുപേരും പ്രണയത്തിലാവുകയായിരുന്നു. പരസ്പരം ഒത്തുപോകാനാവാത്തവര്ക്കിടയിലെ പ്രണയം സോഷ്യല്മീഡിയയില് ചിരിപടര്ത്തുകയാണിപ്പോള്.
വിവാഹശേഷം കുറച്ചു നാളുകള്ക്കുള്ളില്തന്നെ തര്ക്കം രൂക്ഷമായപ്പോഴാണ് ഇരുവരും പിരിയാന് തീരുമാനിച്ചത്. തുടര്ന്നു പുതിയ പങ്കാളിയെ കണ്ടെത്താന് കഴിഞ്ഞാലോ എന്ന പ്രതീക്ഷയില് ഇരുവരും ഫേസ്ബുക്കില് ഫേക്ക് അക്കൗണ്ട് തുറക്കുകയായിരുന്നു. പുതിയ പങ്കാളിക്കായി തെരയുന്നതിനിടയില് ഇരുവരും പരിചയപ്പെടുകയും നിരന്തരം ചാറ്റിംഗിലൂടെ സൗഹൃദം ശക്തിപ്പെടുകയുമായിരുന്നു. മൂന്നു മാസം കൊണ്ടു പ്രണയത്തിലാവുകയും പരസ്പരം കാണാന് തീരുമാനിക്കുകയുമായിരുന്നു. അപ്പോഴും അവര് സ്വന്തം പേരുകള് മറച്ചുവച്ചു.
ഒരു ഹോട്ടലില് വച്ചായിരുന്നു കൂടിക്കാഴ്ച തീരുമാനിച്ചത്. ഇവിടെ എത്തിയ രണ്ടുപേരും പരസ്പരം കണ്ടപ്പോള് ഞെട്ടി. തുടര്ന്ന് വാഗ്വാദങ്ങളും കൈയാങ്കളിയുമായി. പൊലീസ് എത്തിയെങ്കിലും എന്തു കേസ് എടുക്കണമെന്നറിയാതെ ഇരുവരെയും ഫാമിലി കൗണ്സിലിംഗിന് അയച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here