തിരുവനന്തപുരം: കൊച്ചി ഓണ്ലൈന് പെണ്വാണിഭക്കേസില് റിമാന്ഡില് കഴിയുന്ന രാഹുല് പശുപാലന് കസ്റ്റഡിയിലിരിക്കെ ഫേസ്ബുക്ക് പേജില് ഫോട്ടോ പോസ്റ്റു ചെയ്തു. കേസിലെ മറ്റൊരു പ്രതിയായ അക്ബറുമൊത്തുള്ള ഫോട്ടോയാണ് ബുധനാഴ്ച രാഹുല് പശുപാലന്റെ ഫേസ്ബുക്ക് അക്കൗണ്ടില് പ്രത്യക്ഷപ്പെട്ടത്. ഇരുവരുടെയും കൈയില് വിലങ്ങുമുണ്ടായിരുന്നു. പോസ്റ്റ് ചെയ്ത് നിമിഷങ്ങള്ക്കുള്ളില് തന്നെ ഫോട്ടോ നീക്കം ചെയ്യുകയും ചെയ്തു. സംഭവത്തെ കുറിച്ച് പൊലീസ് അന്വേഷണം ആരംഭിച്ചു.
‘നിരപരാധിയായ എന്നെ കുരിശില് കയറ്റിയതിന്റെ എഴുപതാം ദിവസം എന്ന തലക്കെട്ടോടെയായിരുന്നു ഫോട്ടോ. ബംഗളൂരൂ പൊലീസ് രജിസ്റ്റര് ചെയ്ത കേസില് കോടതിയില് ഹാജരാക്കാന് കൊണ്ടുപോയപ്പോണ് ഫോട്ടോ പോസ്റ്റ് ചെയ്തതെന്നാണ് പൊലീസിന്റെ നിഗമനം. 15 മിനിട്ടോളം സെല്ഫി രാഹുലിന്റെ ടൈംലൈനില് ഉണ്ടായിരുന്നെന്ന് പൊലീസ് പറഞ്ഞു.
നേരത്തെയും സമാനമായ സംഭവം നടന്നിരുന്നു. രാഹുലിന്റെ ഭാര്യ രശ്മി ആര് നായര് ജയിലില് കഴിയുമ്പോള് ഫേസ്ബുക്ക് അക്കൗണ്ടില് നിന്ന് മറ്റൊരു കിസ് ഓഫ് ലൗ പ്രവര്ത്തകന് മിസ് കോള് വന്നിരുന്നു. കഴിഞ്ഞ നവംബറിലാണ് ഓണ്ലൈന് പെണ്വാണിഭവുമായി ബന്ധപ്പെട്ട് രാഹുല് പശുപാലന്, ഭാര്യ രശ്മി എന്നിവരെയടക്കം 15 പേരെ അറസ്റ്റ് ചെയ്തത്.
ഫോട്ടോ കടപ്പാട്:The Indian Telegram
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here