ഫോളോ ചെയ്യുന്നതും മറുപടി നല്‍കുന്നതും അവസാനിപ്പിക്കണം; ആ അക്കൗണ്ട് വ്യാജമെന്ന് ലക്ഷ്മി മേനോന്‍

തന്റെ പേരിലുള്ള ട്വിറ്ററില്‍ നിലവിലുള്ള അക്കൗണ്ട് വ്യാജമാണെന്ന് തമിഴ് താരം ലക്ഷ്മി മേനോന്‍. ആ അക്കൗണ്ട് ഉപയോഗിക്കുന്നത് താനല്ലെന്നും ഫോളോ ചെയ്യുന്നതും മറുപടി നല്‍കുന്നതും നിര്‍ത്തണമെന്ന് ആരാധകരോടും സഹപ്രവര്‍ത്തകരോടുമായി ലക്ഷ്മി പറഞ്ഞു. തിരക്കുകള്‍ കാരണം താന്‍ വിരളമായേ സോഷ്യല്‍മീഡിയകള്‍ ഉപയോഗിക്കാറുള്ളുവെന്നും താരം കൂട്ടിച്ചേര്‍ത്തു.

കുംകി, ജിഗര്‍താണ്ട, വേതാളം തുടങ്ങിയ ചിത്രങ്ങളിലൂടെ ശ്രദ്ധേയയാണ് ലക്ഷ്മി. ദിലീപിന്റെ അവതാരം എന്ന ചിത്രത്തില്‍ അഭിനയിച്ചിട്ടുണ്ട്. തമിഴ് ഹൊറര്‍ ചിത്രമായ മിരുത്തനിലും വിജയ് സേതുപതി ചിത്രമായ രെക്കയിലുമാണ് ലക്ഷ്മി മേനോന്‍ ഇപ്പോള്‍ അഭിനയിച്ചു കൊണ്ടിരിക്കുന്നത്.