ആന്ഡ്രോയ്ഡ് ഫോണുകളില് ഒരു സമയം ഒരു മെസഞ്ചര് അക്കൗണ്ട് മാത്രമേ ഉപയോഗിക്കാനാവുകയുള്ളല്ലോ എന്ന സങ്കടം ഇനി വേണ്ട. ഫേസ്ബുക്ക് ഇതിനായി ഒരു പുതിയ സംവിധാനം കൊണ്ടുവന്നു. ഇനിമുതല് ആന്ഡ്രോയ്ഡ് ഫോണുകളില് ഒരു അക്കൗണ്ട് ലോഗൗട്ട് ചെയ്യാതെ തന്നെ മറ്റൊരു മെസഞ്ചര് അക്കൗണ്ട് തുറക്കാനാകും. മുമ്പുണ്ടായിരുന്ന എസ്എംഎസ് സപ്പോര്ട്ട് വൈകാതെ മെസഞ്ചറില് പുനഃസ്ഥാപിക്കുമെന്നും ഫേസ്ബുക്ക് സ്ഥിരീകരിച്ചു. ഇതോടെ മറ്റൊരു ഫോണ് ഉപയോഗിക്കുന്ന സമയങ്ങളില് അതിലെ നിലവിലെ അക്കൗണ്ട് ലോഗൗട്ട് ചെയ്യാതെ തന്നെ പുതിയ അക്കൗണ്ട് ലോഗിന് ചെയ്യാന് സാധിക്കും.
ദശലക്ഷക്കണക്കിന് ആളുകള് സ്വന്തം ഫോണ് മറ്റുള്ളവരുമായി ഷെയര് ചെയ്ത് ഉപയോഗിക്കുന്നവരാണ്. അതുകൊണ്ടു തന്നെ മറ്റൊരാളുടെ ഫോണ് ഉപയോഗിക്കുമ്പോള് അയാളുടെ മെസഞ്ചര് അക്കൗണ്ട് ലോഗൗട്ട് ചെയ്യാതെ സ്വന്തം അക്കൗണ്ട് ലോഗിന് ചെയ്യുക ബുദ്ധിമുട്ടാണ്. അത്തരക്കാര്ക്കായി ഒരേസമയം ഒരേഫോണില് രണ്ട് അക്കൗണ്ടുകള് ഉപയോഗിക്കാവുന്ന സംവിധാനം കൊണ്ടുവരുകയാണെന്ന് ഫേസ്ബുക്ക് വാര്ത്താകുറിപ്പില് അറിയിച്ചു. ഇതിനായി ലോഗൗട്ട് ചെയ്യുകയോ ലോഗിന് ചെയ്യുകയോ വേണ്ട. പകരം മെസഞ്ചറിലെ അക്കൗണ്ട് സെറ്റിംഗ്സില് ആഡ് യൂസര് എന്ന ഓപ്ഷന് ഓപ്പണ് ചെയ്താല് മാത്രം മതി.
ഇനിമുതല് കോണ്വര്സേഷനില് എസ്എംഎസിലെയും മെസഞ്ചറിലെയും മെസേജുകള് ഒരിടത്തേക്ക് കൊണ്ടുവരാന് സാധിക്കും. എല്ലാ എസ്എംഎസുകള്ക്കും മെസഞ്ചര് വഴി തന്നെ മറുപടി കൊടുക്കാന് സാധിക്കും. ഇതിനായി ഒരു ആപ്ലിക്കേഷന് മാത്രം മതി. എന്നാല്, ഇതിന്റെ ഗുണം എത്രപേര്ക്ക് ലഭിക്കും എന്ന് പറയാനാകില്ല. പരീക്ഷണാടിസ്ഥാനത്തില് വളരെ കുറച്ചുപേര്ക്ക് മാത്രമേ ഈ ടെസ്റ്റ് ആപ്ലിക്കേഷന് ലഭ്യമാകുകയുള്ളു. മുമ്പ് മെസഞ്ചറില് എസ്എംഎസ് ലഭ്യമാക്കുന്ന സൗകര്യം ഉണ്ടായിരുന്നു. എന്നാല്, 2013-ല് ഇത് ഉപേക്ഷിക്കുകയായിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here