ഇസ്ലാമാബാദ്: വ്യാജ ട്വീറ്റിന്റെ പേരില് ജെഎന്യു സംഭവത്തിന് പിറകില് താനാണെന്ന് പറയുന്ന ഇന്ത്യയുടെ നിലപാട് സ്വന്തം ജനങ്ങളെ വിഡ്ഢികളാക്കുന്നതിന്റെ മികച്ച ഉദാഹരണമാണെന്ന് ലഷ്കറെ തയ്ബ നേതാവ് ഹഫീസ് സയ്യിദ്.
പാകിസ്ഥാനോടുള്ള ശത്രുതയുടേയും വെറുപ്പിന്റേയും അടിസ്ഥാനത്തിലാണ് ഇന്ത്യ തനിക്കെതിരെ ഇത്തരത്തിലുള്ള ആരോപണങ്ങള് ഉന്നയിക്കുന്നത്. കശ്മീരിലെ യുവാക്കള് ആരുടേയും നിര്ദ്ദേശ പ്രകാരമല്ല പ്രവര്ത്തിക്കുന്നത്. ഇവര് ആരുടെ ഉത്തരവുകളെയും അനുസരിക്കില്ല. അവര് നേരിട്ട അടിച്ചമര്ത്തപ്പെടലും പീഡനങ്ങളും ഇനിയും അവരെ നിശബ്ദരായിരിക്കാന് സമ്മതിക്കില്ല. പാക് പ്രത്യയശാസ്ത്രം ശ്രീനഗറില് നിന്നും ദില്ലിയിലേക്ക് പ്രതിധ്വനിച്ചുകൊണ്ടിരിക്കുകയാണ്. ഈ യഥാര്ത്ഥ്യത്തെ മറച്ചുവയ്ക്കാനാവില്ല. കശ്മീരികള് അവരുടെ ഉറച്ച തീരുമാനത്തിലൂടെ ചരിത്രം എഴുതിക്കൊണ്ടിരിക്കുകയാണ്- ഹഫീസ് സയ്യിദ് ട്വിറ്ററിലൂടെ പറഞ്ഞു.
Official Response to #FakeAccount #JNU allegations in following tweets. #JNUCrackdown
— Hafiz Muhammad Saeed (@HafizSaeedLive) February 14, 2016
Alleging me for #JNU protest based on a Fake account in my name is a prime example of how Indian government fools its own people.
— Hafiz Muhammad Saeed (@HafizSaeedLive) February 14, 2016
All allegations put forward by India are based on hatred and enemity towards Pakistan. #JNU #FakeAccountScam
— Hafiz Muhammad Saeed (@HafizSaeedLive) February 14, 2016
Kashmiri youth are not acting on anyone’s orders. The opression and atrocities they have faced is enough to make them resilient #JNU
— Hafiz Muhammad Saeed (@HafizSaeedLive) February 14, 2016
Pakistan’s ideology is resonating from Srinagar to Delhi, can’t hide reality. Kashmiris are writing history with their determination. #JNU
— Hafiz Muhammad Saeed (@HafizSaeedLive) February 14, 2016
ജെഎന്യുവിലെ വിദ്യാര്ത്ഥി പ്രതിഷേധത്തിന് പിന്നില് ഹാഫിസ് സയീദിന് പങ്കുണ്ടെന്ന് കേന്ദ്ര ആഭ്യന്തരമന്ത്രി രാജ്നാഥ് സിംഗ് പറഞ്ഞത് വ്യാജ ട്വിറ്റര് അക്കൗണ്ടിലെ പോസ്റ്റ് കണ്ടിട്ടാണെന്ന് ആരോപണമുയര്ന്നിരുന്നു.
എല്ലാ പാകിസ്ഥാനികളും ജെഎന്യു സമരത്തിനൊപ്പം നില്ക്കണമെന്ന് ഹാഫിസ് സയ്യിദ് ട്വിറ്ററിലൂടെ ആവശ്യപ്പെട്ടുവെന്നാണ് രാജ്നാഥ് സിംഗ് പറഞ്ഞത്. @HafeezSaeedJud എന്ന അക്കൗണ്ടില് പ്രത്യക്ഷപ്പെട്ട ട്വീറ്റിനെ അടിസ്ഥാനമാക്കിയാണ് രാജ്നാഥ്സിംഗ് പ്രസ്താവന നടത്തിയത്. എന്നാല് ഹാഫിസ് @HafizSaeedLive എന്ന അക്കൗണ്ടാണ് ഉപയോഗിക്കുന്നതെന്നും, @HafeezSaeedJud എന്നത് ഹാഫിസ് മുഹമ്മദ് സയ്യിദ് എന്ന ഒരാളുടെയാണെന്നും സോഷ്യല്മീഡിയ തെളിവുകള് സഹിതം വ്യക്തമാക്കിയിരുന്നു. തുടര്ന്നാണ് ഭരണകൂടത്തെ പരിഹസിച്ച് സയ്യിദ് രംഗത്തെത്തിയത്.
ട്വീറ്റിന്റെ ആധികാരികത പോലും പരിശോധിക്കാതെയാണ് രാജ്നാഥ് സിംഗ് വിദ്യാര്ത്ഥികള്ക്ക് ലഷ്ക്കര് ബന്ധമുണ്ടെന്ന് ആരോപിച്ചത്. ജെഎന്യു പ്രതിഷേധം ലഷ്കറെ ത്വയ്ബ പിന്തുണയോടെയാണെന്നും ഹാഫിസ് സയീദ് ഇതിനെ പിന്തുണച്ചെന്ന ദൗര്ഭാഗ്യകരമായ കാര്യം നമ്മള് അറിയേണ്ടതുണ്ടെന്നും രാജ്നാഥ് സിംഗ് പറഞ്ഞിരുന്നു. ദില്ലി പൊലീസും ബിജെപിയും വിദ്യാര്ത്ഥികള്ക്ക് തീവ്രവാദ ബന്ധമുണ്ടെന്ന് ആരോപിക്കാന് ഈ വ്യാജ ട്വീറ്റ് ഉപയോഗിച്ചിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here