ദില്ലി: രാജ്യദ്രോഹക്കുറ്റം ആരോപിച്ച് അറസ്റ്റ് ചെയ്ത ജെഎന്‍യു വിദ്യാര്‍ത്ഥി യൂണിയന്‍ പ്രസിഡന്റ് കനയ്യ കുമാറിന്റെ ഫേസ്ബുക്ക് അക്കൗണ്ട് ഹാക്ക് ചെയ്തതായി സംശയം. പൊലീസ് കസ്റ്റഡിയിലുള്ള കനയ്യ കുമാറിന്റെ ഫേസ്ബുക്കിലെ പ്രൊഫൈല്‍ ചിത്രം ശനിയാഴ്ച അപ്‌ഡേറ്റ് ചെയ്തതായി കണ്ടതോടെയാണ് ഇക്കാര്യം പുറത്തറിയുന്നത്.
ത്രിവര്‍ണ പതാകയേന്തിയ സൈനികരുടെ ചിത്രമാണ് അപ്‌ഡേറ്റ് ചെയ്തത്. ചിത്രത്തിനു ഒരു മണിക്കൂറിനകം അറുനൂറോളം കമന്റുകളാണ് വന്നത്. അക്കൗണ്ട് ഹാക്ക് ചെയ്തതാണെന്ന് എഐഎസ്എഫ് പ്രതിനിധി പറഞ്ഞു. സംഭവത്തില്‍ ദില്ലി സൈബര്‍ സെല്ലില്‍ പരാതി നല്‍കുമെന്ന് സംഘടന പ്രതിനിധി അമൃത പറഞ്ഞു.
സ്ഥിതിഗതികള്‍ കൂടുതല്‍ വഷളാക്കുകയെന്ന ഉദ്ദേശത്തോട് കൂടിയാണ് ഹാക്കിംഗ് നടത്തിയതെന്നും വിദ്യാര്‍ത്ഥികള്‍ പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
