മോസ്‌കോ: കുട്ടിയെ കൊലപ്പെടുത്തിയ ശേഷം തല അറുത്ത് തെരുവിലൂടെ നടന്ന സ്ത്രീയെ അറസ്റ്റ് ചെയ്തു. വടക്ക് പടിഞ്ഞാറന്‍ മോസ്‌കോയിലെ മെട്രോ സ്‌റ്റേഷന് സമീപം കഴിഞ്ഞ ദിവസമാണ് സംഭവം. നാലു വയസുകാരിയെ കൊലപ്പെടുത്തിയ ശേഷമാണ് 38കാരിയായ സ്ത്രീ തല അറുത്തു മാറ്റിയത്.
കുട്ടിയെ കൊലപ്പെടുത്തി ശരീരം റെയില്‍വേ ട്രാക്കില്‍ ഉപേക്ഷിച്ച ശേഷമാണ് ഇവര്‍ തലയുമായി തെരുവിലേക്ക് ഇറങ്ങിയത്. വെട്ടിയെടുത്ത തലയുമായി തെരുവില്‍ ഇറങ്ങിയ ഇവര്‍ താന്‍ ഒരു തീവ്രവാദിയാണെന്നും ജനാധിപത്യത്തെ വെറുക്കുന്നുവെന്നും അലറി വിളിച്ചുകൊണ്ടാണ് നടന്നത്. യുവതിയുടെ ദൃശ്യം പ്രാദേശിക മാധ്യമങ്ങള്‍ സംപ്രേക്ഷണം ചെയ്തതോടെയാണ് പൊലീസ് വിവരം അറിഞ്ഞത്. തുടര്‍ന്ന് സ്ഥലത്തെത്തിയ പൊലീസ് ഇവരെ അറസ്റ്റ് ചെയ്യുകയായിരുന്നു.
ഉസ്ബക്കിസ്ഥാന്‍ സ്വദേശിനിയായ മുപ്പതുകാരിയാണ് അറസ്റ്റിലായതെന്ന് പൊലീസ് വ്യക്തമാക്കി. എന്നാല്‍ മറ്റു വിവരങ്ങളൊന്നു പുറത്തുവിട്ടിട്ടില്ല. യുവതിക്ക് മാനസികപ്രശ്‌നങ്ങളുണ്ടെന്ന് പൊലീസ് വ്യക്തമാക്കി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
