അര്‍ബുദത്തെ പുഞ്ചിരിച്ചുകൊണ്ടു നേരിട്ട് നടന്‍ ജിഷ്ണു; വീണ്ടും ഐസിയുവിലാണെന്ന് ഫേസ്ബുക്കില്‍ ജിഷ്ണുവിന്റെ പോസ്റ്റ്; ശുഭാപ്തി വിശ്വാസവും പുഞ്ചിരിയും വലിയ മാറ്റങ്ങള്‍ സൃഷ്ടിക്കും

കൊച്ചി: അര്‍ബുദരോഗ ബാധിതനായ നടന്‍ ജിഷ്ണു രാഘവനെ വീണ്ടും ഐസിയുവില്‍ പ്രവേശിപ്പിച്ചു. ജിഷ്ണു ഫേസ്ബുക്ക് പോസ്റ്റിലൂടെയാണ് ഇക്കാര്യം അറിയിച്ചത്.

താന്‍ ഐസിയുവിലാണെന്നും എന്നാല്‍ ഭയപ്പെടേണ്ട ഇത് തനിക്ക് രണ്ടാം വീട് പോലെയാണെന്നും ജിഷ്ണു പറഞ്ഞു. പുഞ്ചിരിക്കുന്ന ഒരു രോഗിയെ കാണുന്നത് വളരെ നല്ലതാണെന്നും അത് ചികില്‍സിക്കാന്‍ തനിക്ക് ഊര്‍ജം നല്‍കുന്നുവെന്ന് ഡോക്ടര്‍ പറഞ്ഞതായും ജിഷ്ണു ഫേസ്ബുക്കില്‍ കുറിച്ചു. നേഴ്‌സുമാര്‍ക്കും തന്നെ പരിചരിക്കാന്‍ എത്തുന്നവരോടൊപ്പം എപ്പോഴും ചിരിക്കാറുണ്ട്. ഈ ചിരി പലപ്പോഴും വലിയ മാറ്റം വരുത്താറുണ്ട്. ചിരി ഒരു ഇന്ദ്രജാലമാണെന്നാണ് അദ്ദേഹം പറയുന്നത്.