പ്രശസ്ത ബോളിവുഡ് നടനും നിര്‍മാതാവുമായ ശശി കപൂറിന്റെ 78-ാം ജന്‍മദിനമാണ് ഇന്ന്. 1938 മാര്‍ച്ച് 18നാണ് ബല്‍ബീല്‍ രാജ് കപൂര്‍ എന്ന ശശി കപൂര്‍ ജനിച്ചത്. ബോളിവുഡ് താരങ്ങളായ രാജ് കപൂര്‍, ഷമ്മി കപൂര്‍ എന്നിവര്‍ സഹോദരങ്ങളും കരണ്‍ കപൂര്‍, കുണാല്‍ കപൂര്‍, സഞ്ജന കപൂര്‍ എന്നിവര്‍ മക്കളുമാണ്. അമിതാഭ് ബച്ചനൊപ്പം അഭിനയിച്ച ദീവാര്‍, ദോ ഓര്‍ ദോ പാഞ്ച്, നമക് ഹലാല്‍ എന്നീ ചിത്രങ്ങളാണ് ശശി കപൂറിന് ബോളിവുഡില്‍ ഗ്രിപ്പ് നല്‍കിയത്.
1940 കളില്‍ തന്നെ ബാലതാരമായി ശശി കപൂര്‍ അഭിനയജീവിതം ആരംഭിച്ചു. 1961-ല്‍ യാഷ് ചോപ്ര സംവിധാനം ചെയ്ത ധരംപുത്ര് എന്ന ചിത്രത്തില്‍ നായകനായി അരങ്ങേറ്റം കുറിച്ചു.
1960 മുതല്‍ 1980 വരെ ബോളിവുഡിന്റെ പ്രിയപ്പെട്ട നായക നടനായി മാറി ശശി കപൂര്‍. ഇതുവരെ 100-ല്‍ അധികം ചിത്രങ്ങളില്‍ അഭിനയിച്ചിട്ടുണ്ട്. ില ഇംഗ്ലീഷ് ചിത്രങ്ങളിലും ശശി കപൂര്‍ അഭിനയിച്ചിട്ടുണ്ട്.
1980 ല്‍ ശശി കപൂര്‍ സ്വന്തമായി ഒരു ചലച്ചിത്ര നിര്‍മ്മാണ കമ്പനി തുടങ്ങി. ഫിലിം വാലാസ് എന്ന ഈ നിര്‍മ്മാണ കമ്പനി, പല വിജയ ചിത്രങ്ങള്‍ നിര്‍മ്മിച്ചു. 1998 ല്‍ ഇറങ്ങിയ ജിന്ന എന്ന ചിത്രമാണ് അവസാനം അഭിനയിച്ചത്. 1958 ല്‍ ബ്രിട്ടീഷ് നടി ജെന്നിഫര്‍ കെന്‍ഡലിനെ വിവാഹം ചെയ്തു. ഇവര്‍ ഒരുമിച്ച ആയിടക്ക് ചില ചിത്രങ്ങളില്‍ അഭിനയിരുന്നു. 1984 ല്‍ ജെന്നിഫര്‍ കെന്‍ഡല്‍ ക്യാന്‍സര്‍ മൂലം മരണമടഞ്ഞു.
1948-ല്‍ ആഗിലെ അഭിനയത്തിന് മികച്ച ബാല താരത്തിനുള്ള ദേശീയ പുരസ്‌കാരം നേടിയിട്ടുണ്ട്. മൂന്നു തവണ പ്രധാന നടനുള്ള ദേശീയ പുരസ്‌കാരവും അദ്ദേഹത്തെ തേടിയെത്തി. 1979ല്‍ ജുനൂന്‍ എന്ന ചിത്രത്തിന് മികച്ച നിര്‍മ്മാതാവിനുള്ള പുരസ്‌കാരം ലഭിച്ചു. 2011-ലെ പദ്മഭൂഷണ്‍ പുരസ്‌കാരം ലഭിച്ചു. 2014 ലെ ദാദാ സാഹിബ് ഫാല്‍ക്കെ പുരസ്‌കാരവും നേടിയിട്ടുണ്ട്.
Get real time update about this post categories directly on your device, subscribe now.
Discussion about this post