കഴിഞ്ഞ ദിവസം റഷ്യയില് തകര്ന്നു വീണ ഫ് ളൈ ദുബായ് വിമാനം റണ്വേയില് ഇറങ്ങുന്നതിനു മുമ്പു തന്നെ തീപിടിച്ചിരുന്നു. എയര്പോര്ട്ടിലെ സിസിടിവി കാമറയില് പതിഞ്ഞ ദൃശ്യങ്ങളില് നിന്നാണ് ഇക്കാര്യം വ്യക്തമാകുന്നത്. റഷ്യയിലെ ലൈഫ് ന്യൂസ് ആണ് ദൃശ്യങ്ങള് സംപ്രേഷണം ചെയ്തത്. ശേഷം ദൃശ്യങ്ങള് യൂട്യൂബില് പോസ്റ്റ് ചെയ്തു. വിമാനം അതിവേഗത്തില് പറന്നു വരുകയും പിന്നീട് റണ്വേയില് ഇറങ്ങുന്നതിനു മുമ്പ് തീപിടിക്കുന്നതുമാണ് ദൃശ്യങ്ങളിലുള്ളത്. പ്രാദേശിക സമയം പുലര്ച്ചെ 3.50 ഓടെയാണ് അപകടം ഉണ്ടായത്.
വിമാന ദുരന്തം അന്വേഷിക്കാന് യുഎഇ പ്രത്യേക സംഘത്തെ നിയോഗിച്ചിട്ടുണ്ട്. 50 അംഗ സംഘമാണ് കേസ് അന്വേഷിക്കുക. കനത്ത മഞ്ഞു കാരണം റണ്വേ കാണാനാകാതിരുന്നതും ശക്തമായ മഴയും കാറ്റുമായിരിക്കാം അപകടത്തിനു കാരണമെന്നാണ് കരുതപ്പെടുന്നത്. തുടക്കത്തില് മരിച്ചവരുടെ കുടുംബാംഗങ്ങളെ കണ്ടെത്തി നഷ്ടപരിഹാരം കൊടുക്കുന്നതിനാണ് മുന്ഗണനയെന്ന് ഫ് ളൈ ദുബായ് അധികൃതര് അറിയിച്ചു. ഓരോ യാത്രക്കാരന്റെയും കുടുംബത്തിന് 20,000 ഡോളര് വീതം നഷ്ടപരിഹാരം നല്കും. 62 പേരാണ് വിമാനദുരന്തത്തില് കൊല്ലപ്പെട്ടത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here