ദില്ലി: നേതാജി സുഭാഷ് ചന്ദ്രബോസിന്റെ ഡ്രൈവര്‍ കേണല്‍ നിസാമുദ്ദീന് ലോകത്തെ ഏറ്റവും പ്രായം കൂടിയ വ്യക്തിയെന്ന പദവി. ബാങ്കില്‍ പുതിയ അക്കൗണ്ട് തുറക്കാനായി എത്തിയപ്പോഴാണ് ഒളിച്ചിരുന്ന ഈ സത്യം ഉദ്യോഗസ്ഥര്‍ കണ്ടെത്തിയത്.
സ്റ്റേറ്റ് ബാങ്ക് ഓഫ് ഇന്ത്യയില്‍ അക്കൗണ്ട് തുറക്കുന്നതിന് നിസാമുദീന്‍ നല്‍കിയ പാസ്‌പോര്‍ട്ടിലും തിരിച്ചറിയല്‍ കാര്‍ഡിലും രേഖപ്പെടുത്തിയിരിക്കുന്ന ജനനതിയതി 1900 എന്നാണ്. ഇത് പ്രകാരം അദ്ദേഹത്തിന് ഇന്ന് 116 വയസാണ്. രേഖകള്‍ പ്രകാരം നിസാമുദ്ദീന് 116 വര്‍ഷവും മൂന്നു മാസവും 14 ദിവസവും ഇന്ന് (ഞായറാഴ്ച്ച) പൂര്‍ത്തിയാക്കിയിരിക്കുകയാണ്.
ജപ്പാനില്‍ നിന്നുള്ള 114 വയസുള്ള മുതുമുത്തശനെയാണ് ലോകത്തെ ഏറ്റവും പ്രായം കൂടിയ വ്യക്തിയായി കണക്കാക്കിയിരുന്നത്. എന്നാല്‍ അദ്ദേഹം ഫെബ്രുവരിയില്‍ മരിച്ചതോടെ ലോകത്തിലെ പ്രായംകൂടിയ വ്യക്തിയായി നിസാമുദ്ദീന് മാറും. നിസാമുദ്ദീന്റെ ഭാര്യയും വയസിന്റെ കാര്യത്തില്‍ ഒട്ടും പിന്നിലല്ല. 107 വയസുകാരിയായ ഭാര്യ അജ്ബുനിഷയ്ക്കും നിസാമുദ്ദീനുമായി ജോയിന്റ് അക്കൗണ്ടാണ് എസ്ബിഐയില്‍ തുടങ്ങിയിരിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
