ട്വീറ്റില് തനിക്ക് പറ്റിയ അബദ്ധം ചൂണ്ടിക്കാണിച്ചവരെ ബ്ലോക്ക് ചെയ്ത് ബിജെപി സ്ഥാനാര്ത്ഥി ശ്രീശാന്ത്. കേരളത്തെ സിറ്റി എന്ന് വിശേഷിപ്പിച്ചതോടെയാണ് സോഷ്യല്മീഡിയ ശ്രീശാന്തിനെ ‘അക്രമിക്കാന്’ തുടങ്ങിയത്.
ട്വീറ്റ് ഇങ്ങനെ: ‘കേരളത്തില് മാറ്റം അനിവാര്യമാണ്. ഇത്തവണ ആ മാറ്റമുണ്ടാകും. നാം ഒരുമിച്ച് പ്രവര്ത്തിച്ചാല് കേരളത്തെ ലോകത്തിലെ മികച്ച സിറ്റി ആക്കാന് നമുക്ക് സാധിക്കും. ‘
The change is must in Kerala Nd Iam sure It will happen this time..we can be worlds best city if we all work together..
— Sreesanth (@sreesanth36) April 17, 2016
ശ്രീശാന്തിന് പറ്റിയ അബദ്ധം മനസിലാക്കിയ ട്വിറ്റര് ഉപയോക്താക്കള് തെറ്റ് ചൂണ്ടിക്കാട്ടി രംഗത്തു വന്നു. കേരളം സിറ്റി ആണെങ്കില് ശ്രീശാന്തിന് ഇന്ത്യ ഒരു സംസ്ഥാനമായിരിക്കുമെന്ന് ചിലര് പരിഹസിച്ചു. ‘ശ്രീയ്ക്ക് വേണ്ടി പകരം ട്വീറ്റ് ചെയ്യാന് ആരെയെങ്കിലും കണ്ടെത്തണം’, ‘ശ്രീശാന്ത് പൊതുവിജ്ഞാനവും ജ്യോഗ്രഫിയും പഠിക്കണം’ തുടങ്ങിയ ഉപദേശങ്ങളുമാണ് ചിലര് രംഗത്തെത്തിയത്. എന്നാല് തനിക്ക് മറുപടി നല്കിയവരെല്ലാം ബ്ലോക്ക് ചെയ്തു കൊണ്ടാണ് ശ്രീശാന്ത് പ്രതികരിച്ചത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here