നിയമസഭാ തെരഞ്ഞെടുപ്പിൽ നാമനിർദേശ പത്രിക സമർപിക്കാനുള്ളഅവസാന തിയ്യതി ഇന്നു; മുഖ്യമന്ത്രി അടക്കമുള്ള പ്രമുഖർ ഇന്നു പത്രിക നൽകും; നാളെ സൂക്ഷ്മപരിശോധന

തിരുവനന്തപുരം: നിയമസഭാ തെരഞ്ഞെടുപ്പിൽ നാമനിർദേശ പത്രിക സമർപ്പിക്കാനുള്ള സമയം ഇന്നു അവസാനിക്കും. ഇന്നു വൈകുന്നേരം 3 മണി വരെ പത്രികസമർപിക്കാനാകും. മുഖ്യമന്ത്രി ഉമ്മൻചാണ്ടി അടക്കമുള്ള പ്രമുഖർ ഇന്നു പത്രിക സമർപിക്കുന്നുണ്ട്. മുഖ്യമന്ത്രി ഉമ്മൻചാണ്ടി, നേമത്തെ ബിജെപി സ്ഥാനാർത്ഥി ഒ രാജഗോപാൽ എന്നിവരാണ് ഇന്നു പത്രിക സമർപിക്കുന്നവരിൽ പ്രമുഖർ. ഇതുവരെയായി 900-ൽ പരം സ്ഥാനാർത്ഥികൾ പത്രിക സമർപിച്ചിട്ടുണ്ട്.

നാളെയാണ് നാമനിർദേശ പത്രികകളുടെ സൂക്ഷ്മപരിശോധന നിശ്ചയിച്ചിട്ടുള്ളത്. മെയ് 2 വരെ പത്രിക പിൻവലിക്കാൻ സമയമുണ്ട്. മെയ് രണ്ടിനു 3 മണി വരെ പത്രിക പിൻവലിക്കാം. ഇതോടെ തെരഞ്ഞെടുപ്പ് ചിത്രം തെളിയും. എത്ര പേർ മത്സരരംഗത്തുണ്ടെന്നു ഉറപ്പിക്കാം. മെയ് രണ്ടിനു തന്നെയാണ് സ്ഥാനാർത്ഥികൾക്ക് ചിഹ്നം അനുവദിക്കുന്നതും. സ്വതന്ത്ര സ്ഥാനാർത്ഥികൾക്കും അന്നുതന്നെ ചിഹ്നം ലഭിക്കും. അതേസമയം, ബിഡിജെഎസിനു ഇന്നലെ ചിഹ്നം അനുവദിച്ചു.