മലപ്പുറം ഉപതെരഞ്ഞെടുപ്പ് പോളിംഗ് ആരംഭിച്ചു; സ്വതന്ത്രർ അടക്കം 9 പേർ മത്സരരംഗത്ത്; 13 ലക്ഷം വോട്ടർമാർ വിധിയെഴുതും; സജ്ജീകരിച്ചിരിക്കുന്നത് 1175 പോളിംഗ് ബൂത്തുകൾ

മലപ്പുറം: മലപ്പുറം ലോക്‌സഭാ മണ്ഡലത്തിൽ ഉപതെരഞ്ഞെടുപ്പിനുള്ള പോളിംഗ് ആരംഭിച്ചു. ആകെ സ്വതന്ത്രർ അടക്കം 9 സ്ഥാനാർത്ഥികളാണ് ജനവിധി തേടുന്നത്. ഇടതുപക്ഷ മുന്നണി സ്ഥാനാർത്ഥിയായി അഡ്വ.എം.ബി ഫൈസൽ ജനവിധി തേടുന്നു. പി.കെ കുഞ്ഞാലിക്കുട്ടി യുഡിഎഫ് സ്ഥാനാർത്ഥിയായി മത്സരിക്കുന്നു. ശ്രീപ്രകാശ് ആണ് ബിജെപി സ്ഥാനാർത്ഥി. ആകെ 13,12,693 ലക്ഷം വോട്ടർമാരാണ് സമ്മതിദാനാവകാശം വിനിയോഗിക്കുക. 1175 ബൂത്തുകളാണ് പോളിംഗിനായി ഒരുക്കിയിട്ടുള്ളത്.