ദില്ലി: കോടതിയലക്ഷ്യക്കേസില് തടവുശിക്ഷ വിധിച്ച ഉത്തരവ് പിന്വലിക്കണമെന്ന് ആവശ്യപ്പെട്ട് കൊല്ക്കത്ത ഹൈക്കോടതി ജഡ്ജി ജസ്റ്റിസ് സിഎസ് കര്ണന് സുപ്രീംകോടതിയില്. ഇന്ന് രാവിലെയാണ് കര്ണന് കോടതിയില് അപേക്ഷ നല്കിയത്. താന് ഒളിവില് അല്ലെന്നും ചെന്നൈയിലുണ്ടെന്നും കര്ണന് കോടതിയെ അറിയിച്ചു.
ചൊവ്വാഴ്ച്ച കോടതി ഉത്തരവിനെ തുടര്ന്ന്, കൊല്ക്കത്തയില്നിന്നും ചെന്നൈയിലെത്തിയ കര്ണന് സര്ക്കാര് അതിഥിമന്ദിരത്തിലാണ് തങ്ങിയത്. ബുധനാഴ്ച പകല് കോടതി ഉത്തരവ് നടപ്പാക്കാന് ചെന്നൈയിലെത്തിയ പൊലീസ് സംഘത്തിന് അദ്ദേഹത്തെ ഇതുവരെ കണ്ടെത്താന് സാധിച്ചിട്ടില്ല.
സുപ്രീംകോടതിയിലെയും ഹൈക്കോടതിയിലെയും ജഡ്ജിമാര് അഴിമതിക്കാരാണെന്ന് ചൂണ്ടിക്കാണിച്ച് പ്രധാനമന്ത്രിക്കും നിയമമന്ത്രിക്കും മറ്റും കത്ത് എഴുതിയ കേസിലാണ് സുപ്രീംകോടതി ഏഴംഗബെഞ്ച് ജസ്റ്റിസ് കര്ണനെതിരെ സ്വമേധയാ കേസെടുത്തത്. വിചാരണനടപടികളുമായി സഹകരിക്കാത്ത ജസ്റ്റിസ് കര്ണ്ണന് ചീഫ്ജസ്റ്റിസ് ഉള്പ്പടെയുള്ളവര്ക്ക് എതിരെ തുടര്ച്ചയായി ഉത്തരവുകള് പുറപ്പെടുവിച്ചതും സുപ്രീംകോടതിയെ ചൊടിപ്പിച്ചു. തുടര്ന്ന് ചൊവ്വാഴ്ച്ച അദ്ദേഹത്തെ കോടതിയലക്ഷ്യത്തിന് ആറുമാസം ശിക്ഷിക്കുകയായിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here