തിരുവനന്തപുരം : എടിഎം ഉള്‍പ്പടെയുള്ള ബാങ്കിംഗ് സേനവങ്ങളുടെ നിരക്ക് വര്‍ദ്ധിപ്പിക്കാനുള്ള എസ്ബിഐ തീരുമാനത്തിനെതിരെ ഉയരുന്നത് വ്യാപക പ്രതിഷേധം. ബാങ്ക് അക്കൗണ്ട് ക്ലോസ് ചെയ്ത് പ്രതിഷേധം അറിയിക്കാനാണ് അക്കൗണ്ട് ഉടമകളുടെ തീരുമാനം. ഇക്കാര്യം നിരവധി ഉപഭോക്താക്കളും പരസ്യമായി പ്രഖ്യാപിച്ചു. ഇതിന് പിന്നാലെ എസ്ബിഐ തീരുമാനം പിന്‍വലിച്ചു.
എന്നാല്‍ അക്കൗണ്ട് അവസാനിപ്പിക്കാന്‍ തീരുമാനമെടുത്ത ഉപഭോക്താക്കളുണ്ട്. അക്കൗണ്ട് ക്ലോസ് ചെയ്യുമെന്ന് തീരുമാനമെടുക്കുന്നതുപോലെ എളുപ്പമല്ല ക്ലോസ് ചെയ്യുന്നത്. അതിന് ചില നടപടിക്രമങ്ങളുണ്ട്.
നടപടിക്രമങ്ങള്‍
- അക്കൗണ്ട് അവസാനിപ്പിക്കാനുള്ള അപേക്ഷാ ഫോം ബാങ്കിന്റെ വെബ്‌സൈറ്റില്‍ നിന്ന് ഡൗണ്‍ലോഡ് ചെയ്യാം.
- അക്കൗണ്ട് ക്ലോസ് ചെയ്യാന്‍ ഓണ്‍ലൈന്‍ ആയി അപേക്ഷ നല്‍കാനാവില്ല.
- തുക അടയ്ക്കാനുണ്ടെങ്കില്‍ അടച്ചുതീര്‍ത്ത ശേഷം ബാങ്ക് സ്‌റ്റേറ്റ്‌മെന്റ് സൂക്ഷിക്കണം.
- അക്കൗണ്ട് ക്ലോസ് ചെയ്യാന്‍ പോകുന്നതിന് മുമ്പ് ബാലന്‍സ് സീറോ ആക്കണം.
- അക്കൗണ്ട് അവസാനിപ്പിക്കാന്‍ അക്കൗണ്ടുള്ള ബ്രാഞ്ചില്‍ നേരിട്ടെത്തി അപേക്ഷ നല്‍കണം.
- അപേക്ഷയ്‌ക്കൊപ്പം ക്ലോസ് ചെയ്ത അക്കൗണ്ടുമായി ബന്ധപ്പെട്ട ചെക്ക് ബുക്ക്, പാസ്ബുക്ക്, എടിഎം കാര്‍ഡ് എന്നിവയും തിരിച്ചേല്‍പ്പിക്കണം.
- അക്കൗണ്ട് എടുത്ത വിലാസത്തിലുള്ള ഉടമയുടെ തിരിച്ചറിയല്‍ കാര്‍ഡും അപേക്ഷയ്‌ക്കൊപ്പം വയ്ക്കണം.
- പേര്, അക്കൗണ്ട് നമ്പര്‍, ഫോണ്‍ നമ്പര്‍, ബാക്കി ബാലന്‍സ് ഉണ്ടെങ്കില്‍ അതെങ്ങനെ സ്വീകരിക്കാന്‍ ആഗ്രഹിക്കുന്നു എന്നീ വിവരങ്ങള്‍ രേഖപ്പെടുത്തണം.
- ബാക്കി തുക പണം, ചെക്ക്, ഡിഡി തുടങ്ങിയ രൂപങ്ങളില്‍ മറ്റ് അക്കൗണ്ടുകളിലേക്ക് ബാക്കി തുക ട്രാന്‍സ്ഫര്‍ ചെയ്യാം.
- സാലറി അക്കൗണ്ടും സേവിങ്‌സ് അക്കൗണ്ടും ക്ലോസ് ചെയ്യുന്നത് ഒരേതരത്തിലാണ്.
- അക്കൗണ്ട് അവസാനിപ്പിക്കുന്നതിന് നിശ്ചിത ഫീസ് ഏര്‍പ്പെടുത്തിയിട്ടുണ്ട്.
- ആദ്യ 14 ദിവസം വരെയുള്ള അക്കൗണ്ടുകള്‍ക്ക് ക്ലോസിംഗ് ചാര്‍ജ്ജ് ഇല്ല.
- അതിന് ശേഷമുള്ള കാലയളവെങ്കില്‍ നിശ്ചിത സേവന നിരക്കും നികുതിയും ഈടാക്കും.
- അപേക്ഷ നല്‍കിയശേഷം ബാങ്ക് രസീത് നല്‍കും.
- പറയുന്ന സമയപരിധിക്ക് ശേഷം അക്കൗണ്ട് അവസാനിച്ചോയെന്ന് പരിശോധിക്കാം.
- അക്കൗണ്ട് അവസാനിപ്പിച്ചത് സംബന്ധിച്ച വിവരങ്ങള്‍ ഇ – മെയില്‍ ആയും എസ്എംഎസ് സന്ദേശമായും ലഭിക്കും.
- വ്യക്തിഗത അക്കൗണ്ടുകള്‍ക്കും കമ്പനി അക്കൗണ്ടുകള്‍ക്കും പ്രത്യേകം സേവനനിരക്കാണ് ഈടാക്കുന്നത്.
- ഒരിക്കല്‍ ക്ലോസ് ചെയ്ത അക്കൗണ്ട് റീ ഓപ്പണ്‍ ചെയ്യാനാവില്ല.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
