തിരുവനന്തപുരം: കൊല്ലത്ത് യുവതി സ്വാമിയുടെ ജനനേന്ദ്രിയം മുറിച്ചെടുത്ത് പ്രതികാരം ചെയ്ത സംഭവത്തില് കൂടുതല് വെളിപ്പെടുത്തല്. ശ്രീഹരി എന്ന സ്വാമി കഴിഞ്ഞ മൂന്നു വര്ഷമായി പെണ്കുട്ടിയെ പീഡിപ്പിച്ചിരുന്നെന്നും ഇതിനെല്ലാം ഒത്താശ നല്കിയിരുന്നത് പെണ്കുട്ടിയുടെ മാതാവാണെന്നും പൊലീസ് കണ്ടെത്തി. ഇതിന്റെ അടിസ്ഥാനത്തില് മാതാവിനെ പൊലീസ് കസ്റ്റഡിയിലെടുത്തു.
പെണ്കുട്ടി പ്ലസ്വണിന് പഠിക്കുമ്പോള് മുതല് ഇയാള് അപമര്യാദയായി പെരുമാറിയിരുന്നെന്നാണ് പൊലീസ് പറയുന്നത്. തുടര്ച്ചയായുള്ള പീഡനത്തെത്തുടര്ന്നാണ് പെണ്കുട്ടി ഇയാളുടെ ജനനേന്ദ്രിയം മുറിച്ചെടുത്തത്.
കഴിഞ്ഞ അഞ്ച് വര്ഷമായി പൂജയ്ക്കും മറ്റ് കാര്യങ്ങള്ക്കുമായി ഹരിസ്വാമി പെണ്കുട്ടിയുടെ വീട്ടിലെത്താറുണ്ടായിരുന്നു. മൂന്ന് വര്ഷമായി ഇയാള് തന്നെ പീഡിപ്പിക്കുന്നുണ്ടെന്ന് പൊലീസിന് പെണ്കുട്ടി മൊഴി നല്കിയിട്ടുണ്ട്. ഭീഷണിയെ തുടര്ന്നാണ് ഇത്രയും നാള് വിവരങ്ങള് പുറത്ത് പറയാതിരുന്നതെന്നും പെണ്കുട്ടി പറഞ്ഞു. പെണ്കുട്ടിയുടെ അച്ഛന് ദീര്ഘകാലമായി അസുഖബാധിതനായി കിടപ്പിലാണെന്നും പെണ്കുട്ടിയുടെ അമ്മയുമായുള്ള സൗഹൃദം മുതലെടുത്താണ് ഇയാള് പെണ്കുട്ടിയെ പീഡിപ്പിച്ചതെന്നും പൊലീസ് പറഞ്ഞു.
ഇന്നലെയും ഇയാള് തന്നെ പീഡിപ്പിക്കുമെന്ന് മനസിലാക്കിയാണ് പെണ്കുട്ടി ഒരു കത്തി തരപ്പെടുത്തി വച്ചത്. ഇന്ന് പുലര്ച്ചയേടെ സ്വാമി ആക്രമിക്കാന് ശ്രമിച്ചപ്പോള് പെണ്കുട്ടി ജനനേന്ദ്രിയം മുറിക്കുകയായിരുന്നു. തുടര്ന്ന് പെണ്കുട്ടിയുടെ വീട്ടുകാര് തന്നെ ഇയാളെ തിരുവനന്തപുരം മെഡിക്കല് കോളേജ് ആശുപത്രിയില് എത്തിക്കുകയായിരുന്നു.
ഇയാളെ ജനനേന്ദ്രിയം 90ശതമാനവും മുറിഞ്ഞ് തൂങ്ങിയ നിലയിലാണ് മെഡിക്കല് കോളേജില് എത്തിച്ചതെന്ന് ഡോക്ടര്മാര് അറിയിച്ചു. തിരിച്ച് തുന്നിച്ചേര്ക്കാന് പറ്റാത്ത അവസ്ഥയിലായിരുന്നു. എങ്കിലും മൂത്രം പോകുന്നതിനും രക്തസ്രാവം നിയന്ത്രിക്കുന്നതിനുമായി പ്ലാസ്റ്റിക് സര്ജറി വിദഗ്ധരുടേയും യൂറോളജി വിദഗ്ധരുടേയും നേതൃത്വത്തില് അടിയന്തിര ശസ്ത്രക്രിയ നടത്തി. ഇയാളുടെ ആരോഗ്യനില തൃപ്തികരമാണെന്നും ഡോക്ടര്മാര് അറിയിച്ചു.
- Read Also:
പീഡിപ്പിക്കാന് ശ്രമിച്ച സ്വാമിയുടെ ജനനേന്ദ്രിയം പെണ്കുട്ടി മുറിച്ചെടുത്തു
പെണ്കുട്ടിയെ ആക്രമിക്കാന് ശ്രമിച്ചതിന് പോക്സോ നിയമപ്രകാരം ഇയാള്ക്കെതിരെ പേട്ട പൊലീസ് കേസെടുത്തിട്ടുണ്ട്. പെണ്കുട്ടിയുടെ മൊഴി രേഖപ്പെടുത്തിയെന്നും ആക്രമിച്ചതിന് പെണ്കുട്ടിക്കെതിരെ കേസെടുത്തിട്ടില്ലെന്നും പൊലീസ് അറിയിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here