തിരുവനന്തപുരം : കുട്ടികള്‍ക്കെതിരായ ലൈംഗികതയെ ന്യായീകരിച്ചും കേരള സൈബര്‍ വാരിയേഴ്‌സിനെ വിമര്‍ശിച്ചും ഫേസ്ബുക് പോസ്റ്റ് ഇട്ടവര്‍ക്ക് അതേ നാണയത്തില്‍ മറുപടിയുമായി ബ്ലൂ ആര്‍മി. എത്ര വിമര്‍ശിച്ചാലും എടുത്ത നിലപാടുകളില്‍ നിന്നും പിന്നോട്ടില്ല. പീഡോഫീലിയയെ അനുകൂലിക്കുന്നവരുടെ സൂക്കേട് നിര്‍ത്തുമെന്നുമാണ് ബ്ലൂ ആര്‍മിയുടെ മറുപടി.
ഹാക്കര്‍മാരായ കേരള സൈബര്‍ വാരിയേഴ്‌സിന്റെ പ്രത്യേക സംഘമായ ബ്ലൂ ആര്‍മിയാണ് മറുപടിയുമായി രംഗത്തെത്തിയത്. കേരള സൈബര്‍ വാരിയേഴ്‌സിനെ വാര്യര്‍മാരെന്ന് വിളിച്ച് ആക്ഷേപിക്കുന്നവര്‍ക്കും ബ്ലൂ ആര്‍മി ഉചിതമായ മറുപടി നല്‍കുന്നു. അതേ മാഡം, ഞങ്ങള്‍ ആണ്‍കുട്ടികള്‍ ആണ്, ഈ കോലോത്തെ വാര്യര്‍മാര്‍ ആണ് എന്നാണ് മറുപടി ആരംഭിക്കുന്നത്.
ഫെമിനിസം തലക്ക് പിടിച്ചു നടക്കുന്ന പ്രിയ കൊച്ചമ്മമാരേ, ഞങ്ങള്‍ പറയട്ടെ. നിങ്ങളുടെ അസുഖത്തിനുള്ള മരുന്ന് ഞങ്ങളുടെ പക്കല്‍ ഇല്ല. അതിന്റെ കാരണം നിങ്ങള്‍ക്ക് മരുന്നില്ല എന്നത് തന്നെയാണ് മാഡം. ഒരു ഓണ്‍ലൈന്‍ മാധ്യമത്തെ കൂട്ടുപിടിച്ച് സൈബര്‍ വാരിയേഴ്‌സിനെ വിമര്‍ശിക്കുന്നത് ഫേസ്ബുക് പോസ്റ്റുകള്‍ക്ക് റീച്ച് കിട്ടാനാണെന്നും ബ്ലൂ ആര്‍മി പരിഹസിക്കുന്നു.
എത്ര വിമര്‍ശിച്ചാലും നാട്ടുകാര്‍ക്ക് കേരള സൈബര്‍ വാരിയേഴ്‌സിനെ അറിയാം. ഞങ്ങളുടെ പ്രവര്‍ത്തികള്‍ അറിയാം മാഡം. 5 വയസുള്ള കുഞ്ഞിനോട് കാമം പ്രകടിപ്പിച്ച ഫര്‍ഹാദ് എന്ന ചെറ്റ നിങ്ങള്‍ക്ക് ദൈവ പുത്രന്‍ ആണെന്ന് അറിയാം. നിങ്ങളുടെ ആവശ്യം നന്നായി അറിയുന്നത് കൊണ്ടാണ് മാഡം അവര്‍ നിങ്ങളെ ചവറ്റു കൊട്ടയില്‍ തള്ളുന്നതെന്നും ബ്ലൂ ആര്‍മി മറുപടിയില്‍ പറയുന്നു.
പിഡോഫീലിയയെ അനുകൂലിക്കുന്നവരെ കാമകേളി പൂണ്ട് ഭ്രാന്തായ വിഷവിത്തുക്കളായേ കാണാനാകൂ. ഈ കണ്ട ഞരമ്പന്മാരെയും കമ്പി ഗ്രൂപ്പുകളും ഞങ്ങള്‍ താഴിട്ടു പൂട്ടുമ്പോള്‍ നിങ്ങളുടെ മനസ്സ് വേദനിക്കും. അത് ഞങ്ങള്‍ക്ക് അറിയാം. കാരണം നഷ്ടമായി പോവുന്നത് നിങ്ങളുടെയൊക്കെ വ്യവസായമാണെന്ന് ഞങ്ങള്‍ക്ക് അറിയാമെന്നും ബ്ലൂ ആര്‍മി മറുപടി പറയുന്നു.
കൊച്ചു കുഞ്ഞുങ്ങളെ ശരീരം കാമവെറി പൂണ്ട പീഡോഫീലിയ ടീം കൊത്തി പറിക്കാന്‍ ശ്രമിക്കുമ്പോള്‍ നിങ്ങള്‍ കയ്യടിച്ചു പ്രോത്സാഹിപ്പിക്കും. തടുക്കാന്‍ പോകുന്ന ഞങ്ങളെ നിങ്ങള്‍ ആവിഷ്‌കാര സ്വാതന്ത്ര്യം പറഞ്ഞു എഴുതി പിടിപ്പിക്കും. അത് കണ്ട് ചിലര്‍ വാര്‍ത്ത കൊടുക്കും. പക്ഷേ നിങ്ങള്‍ക്ക് വേണ്ടി കയ്യടിക്കാന്‍ പക്ഷെ കേരളത്തിലെ ഒരു സാധാരണക്കാരനും വരില്ല. – കേരള സൈബര്‍ വാരിയേഴ്സ് പറയുന്നു.
കേരളത്തിലെ സാധാരണക്കാര്‍ക്ക് സ്വന്തം വീട്ടിലെ കുഞ്ഞുങ്ങളോടാണ് സ്‌നേഹം. എന്തടിസ്ഥാനത്തിലാണ് കേരള സൈബര്‍ വാരിയേഴ്‌സിന് രാഷ്ട്രീയമുണ്ടെന്ന് ഇവര്‍ ആരോപിക്കുന്നതെന്നും കേരള സൈബര്‍ വാരിയേഴ്സ് ചോദിക്കുന്നു. പാകിസ്താന്റെ സൈബര്‍ സ്‌പേസ് ആക്രമിക്കുന്നതുകൊണ്ടും ഞരമ്പന്മാരെ കൊണ്ട് പാവങ്ങളെ സഹായിക്കുന്നതിനുമാണോ രാഷ്ട്രീയം ആരോപിക്കുന്നതെന്നും ബ്ലൂ ആര്‍മി ചോദിക്കുന്നു.
ഞങ്ങള്‍ക്ക് വ്യക്തമായ രാഷ്ട്രീയമുണ്ട്. എന്നാല്‍ കേരള സൈബര്‍ വാരിയേഴ്‌സിന്റെ കുപ്പായം അണിയുമ്പോള്‍ രാഷ്ട്രീയ കുപ്പായം മാറ്റിവെയ്ക്കും. കക്കൂസില്‍ പോയി ആടിയ ഫോട്ടോ കണ്ട് ഈ കോലോത്തെ വാര്യര്‍മാര്‍ ചോദിക്കാന്‍ നടക്കില്ല. കാരണം പാവപ്പെട്ട ഒരുപാട് പെണ്‍കുട്ടികള്‍ ചതിയില്‍ പെട്ടതിന്റെ കേസുകള്‍ ഞങ്ങള്‍ക്ക് തീര്‍ക്കാനുണ്ട്. അത്തരം ചിത്രങ്ങള്‍ കാണുന്ന ഞരമ്പന്മാരുടെ അവസ്ഥ ആലോചിക്കാന്‍ വയ്യ, അതൊരു തോല്‍വിയാകുമെന്നും സൈബര്‍ വാരിയേഴ്സ് പരിഹസിക്കുന്നു.
അത്തരം വീഡിയോകള്‍ ആരും കാണാത്തത് കൊണ്ട് എങ്ങനേലും ഹിറ്റാക്കാനാണെങ്കില്‍ നടക്കട്ടെ, വാര്യത്തെ കുട്ട്യോള്‍ക്ക് ജോലി വേറെ ഉണ്ട്. അതുകൊണ്ട് കേരള സൈബര്‍ വാരിയേഴ്‌സിനെ വിമര്‍ശിക്കുന്നവര്‍ പണി തുടരുക. ഞങ്ങള്‍ മുന്നോട്ടു വച്ച കാല്‍ അത് അവിടെ തന്നെ ഉണ്ടാകുമെന്ന നിങ്ങള്‍ക്ക് സങ്കടകരമായ അവസ്ഥ അറിയിക്കുന്നു, ഞങ്ങള്‍ പിന്നോട്ടില്ല എന്നും സൈബര്‍ വാരിയേഴ്സ് പറയുന്നു.
കുട്ടികള്‍ക്കെതിരായ ലൈംഗികതയെ പ്രോത്സാഹിപ്പിക്കുന്നത് അടക്കമുള്ള നിങ്ങളുടെ ഈ വക സൂക്കേട് ഞങ്ങള്‍ നിര്‍ത്തുമെന്നും ബ്ലൂ ആര്‍മി പറയുന്നു. ഈ നാട്ടിലെ സാധാരണക്കാരായ അമ്മ പെങ്ങന്മാര്‍ക്ക് കൊടുത്ത വാക്ക് പാലിക്കും. അതില്‍ നഷ്ടമാവുന്നത് ഞങ്ങളുടെ ജീവിതവും ജീവനും ആണെങ്കില്‍ പോലും പിന്നോട്ടില്ല. ഈ നാട്ടിലെ പാവപെട്ട പെണ്ണിന്റെ മാനവും ഈ നാട്ടിലെ സൈബര്‍ സ്‌പേസും കാക്കാന്‍ ചങ്കൂറ്റമുള്ള ഒരായിരം പേര്‍ വരുമെന്നും സൈബര്‍ വാരിയേഴ്‌സിന്റെ ബ്ലൂ ആര്‍മി ടീം കൈരളി ന്യൂസ് ഓണ്‍ലൈനിനോട് പറഞ്ഞു.
പാകിസ്താനെതിരായ നിരന്തര സൈബര്‍ ആക്രമണങ്ങള്‍ക്ക് നേതൃത്വം നല്‍കുന്നത് കേരള സൈബര്‍ വാരിയേഴ്സ് ആണ്. ഇന്ത്യന്‍ സൈന്യത്തിനെതിരായ ആക്രമണം, കുല്‍ഭൂഷണ്‍ ജാദവിന്റെ മോചനം അടക്കമുള്ള സമകാലിക വിഷയങ്ങള്‍ കേരള സൈബര്‍ വാരിയേഴ്സ് ഏറ്റെടുത്തു. ഇതിന് പിന്നാലെയാണ് മലയാളി ഞരമ്പന്മാരെയും ബ്ലൂ ആര്‍മി തേടിയിറങ്ങിയത്.
കുട്ടികള്‍ക്കെതിരായ ലൈംഗികതയെ പ്രോത്സാഹിപ്പിക്കുന്ന രീതിയില്‍ ഫര്‍ഹാദ് എന്നൊരാള്‍ ഫേസ്ബുക് പോസ്റ്റ് ഇട്ടിരുന്നു. ഇത് സോഷ്യല്‍ മീഡിയയില്‍ ചര്‍ച്ചയും വിവാദവും ആയതോടെ ഫര്‍ഹാദിന്റെ അക്കാണ്ട് സൈബര്‍ വാരിയേഴ്സ് ഹാക്ക് ചെയ്തു. ഇതിന് പിന്നാലെയാണ് ഫര്‍ഹാദിനെ അനുകൂലിച്ചവര്‍ ഫേസ്ബുക്കിലടക്കം കേരള സൈബര്‍ വാരിയേഴ്‌സിനെ വിമര്‍ശിച്ച് രംഗത്തെത്തിയത്. ഇതിനാണ് അതേനാണയത്തിലും ശക്തമായ ഭാഷയിലും ബ്ലൂ ആര്‍മി മറുപടി നല്‍കിയത്.
Get real time update about this post categories directly on your device, subscribe now.
