ദില്ലി: സുപ്രീം കോടതി നിര്‍ദ്ദേശ പ്രകാരം ബാബറി മസ്ജിദ് കേസില്‍ വാദം കേള്‍ക്കുന്ന ലഖൗനൗവിലെ സി ബി ഐ പ്രത്യേക കോടതിയാണ് മൂതിര്‍ന്ന ബി ജെ പി നേതാക്കളോട് നേരിട്ട് ഹാജരാകണമെന്ന് ആവശ്യപ്പെട്ടിരിക്കുന്നത്. എല്‍ കെ അദ്വാനി, മുരളീ മനോഹര്‍ ജോഷി, ഉമാഭാരതി ഉള്‍പ്പെടെ ബി ജെ പി-ആര്‍ എസ് എസ് നേതാക്കള്‍ക്കതിരായ ക്രിമിനല്‍ ഗൂഡാലോചന കേസിലാണ് നടപടി.
ഇവര്‍ക്കെതിരായ കുറ്റങ്ങള്‍ കോടതി പുനസ്ഥാപിക്കും. 2001ല്‍ സി ബി ഐ കോടതി അദ്വാനി ഉള്‍പ്പെടെയുള്ള നേതാക്കളെ ഗൂഡാലോചന കേസില്‍ കുറ്റവിമൂക്തരാക്കിയിരുന്നു. അലഹബാദ് ഹൈക്കോടതി ഇത് ശരിവയ്ക്കുകയും ചെയ്തു. ഇതിനെതിരെ സി ബി ഐ സുപ്രീം കോടതിയെ സമീപിച്ചു. 2017 ഏപ്രില്‍ 19 ന് കുറ്റങ്ങള്‍ പുനസ്ഥാപിച്ച് ഇടവേളകളില്ലാതെ വാദം കേട്ട് രണ്ട് വര്‍ഷത്തിനകം കേസില്‍ വിധി പറയണമെന്ന് സുപ്രീം കോടതി നിര്‍ദ്ദേശിച്ചു.
ഇതിനെത്തുടര്‍ന്നാണ് ലഖ്‌നൗവിലെ സി ബി ഐ കോടതി വാദം കേള്‍ക്കാന്‍ ആരംഭിച്ചത്. ബാബറി മസ്ജിദ് തകര്‍ത്ത കേസില്‍ മുന്‍ ശിവസേന എം പി സതീഷ് പ്രധാന് കഴിഞ്ഞ ദിവസം കോടതി ജാമ്യം അനുവദിച്ചിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
