ദില്ലി: സിപിഐഎം ജനറല് സെക്രട്ടറി സീതാറാം യെച്ചൂരിക്ക് നേരെ സംഘപരിവാര് ഗുണ്ടകളുടെ ആക്രമണം. ദില്ലിയിലെ പാര്ട്ടി ആസ്ഥാനത്തിനുള്ളില് വച്ചാണ് ആക്രമണമുണ്ടായത്. ഭാരതീയ ഹിന്ദു സേനയും സംഘപരിവാരും ചേര്ന്നാണ് ആക്രമണം നടത്തിയത്. അക്രമികളെ സിപിഐഎം പ്രവര്ത്തകരും പൊലീസും ചേര്ന്ന് പിടികൂടി. വൈകിട്ട് നാല് മണിയോടെ പിബി യോഗത്തിന് ശേഷമുള്ള വാര്ത്താസമ്മേളനത്തിന് തൊട്ടുമുന്പായിരുന്നു ആക്രമണം.
വാര്ത്താസമ്മേളനത്തിനായി മൂന്നാം നിലയിലെ ഹാളിലേക്കു വരുമ്പോള് അക്രമികളായ മൂന്നു പേര് യെച്ചൂരിയെ പിന്നില് നിന്ന് ആക്രമിക്കുകയായിരുന്നു. ആര്എസ്എസ് മുദ്രാവാക്യങ്ങളും സിപിഐഎം മൂര്ദാബാദ് എന്ന ആക്രോശവുമായി പാഞ്ഞടുത്ത അക്രമികളുടെ പെട്ടെന്നുണ്ടായ കയ്യേറ്റത്തില് യെച്ചൂരി താഴെ വീണു. ഉടന് തന്നെ എകെജി ഭവനിലെ ജീവനക്കാരെത്തി അക്രമികളെ പിടിച്ചുമാറ്റി, യെച്ചൂരിയെ സുരക്ഷിത സ്ഥാനത്തേക്ക് നീക്കുകയായിരുന്നു. അക്രമികളെ പൊലീസ് ഉടന് കസ്റ്റഡിയില് എടുത്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here