കാസര്ഗോഡ്: മഞ്ചേശ്വരം തിരഞ്ഞെടുപ്പില് കള്ളവോട്ട് നടന്നെന്ന ബിജെപി നേതാവ് കെ സുരേന്ദ്രന്റെ ആരോപണങ്ങള് ഒന്നൊന്നായി പൊളിയുന്നു. സുരേന്ദ്രന് ഹൈക്കോടതിയില് സമര്പ്പിച്ച മരിച്ചവരുടെ പട്ടികയിലുള്ള വോട്ടര് സമന്സ് കൈയ്യോടെ സ്വീകരിച്ചു. കാസര്കോട് വോര്ക്കാടി പഞ്ചായത്തിലെ ബാക്രബയല് സ്വദേശി അഹ്മദ് കുഞ്ഞിയാണ് സമന്സ് കൈപറ്റിയത്. ഇദ്ദേഹം മരിച്ചുപോയെന്നും ഇദ്ദേഹത്തിന്റെ വോട്ട് ചെയ്തിട്ടുണ്ടെന്നുമായിരുന്നു സുരേന്ദ്രന്റെ വാദം. എന്നാല് അഹമ്മദ് കുഞ്ഞി സമന്സി കൈപ്പറ്റിയതോടെ സുരേന്ദ്രന് വീണ്ടും പ്ലിംഗായിരിക്കുകയാണ്.
പരേതന് വോട്ട് രേഖപ്പെടുത്തിയെന്ന് ആരോപിച്ച് കെ സുരേന്ദ്രന് ഹയല് ചെയ്ത കേസിലാണ് ഹൈക്കോടതി അഹ്മദ് കുഞ്ഞിക്ക് സമന്സ് അയച്ചത്. ജൂണ് 15ന് കോടതിയില് ഹാജരാകാനാണ് നിര്ദ്ദേശം. പേരു വന്നതുമുതലുള്ള എല്ലാ തെരഞ്ഞെടുപ്പിലും വോട്ട് രേഖപ്പെടുത്തിയിട്ടുണ്ടെന്നും ഇനി മരിക്കുന്നത് വരെ അത് നിര്വ്വഹിക്കുമെന്നും അഹ്മദ് വ്യക്തമാക്കി.
ബാക്രബയല് സ്വദേശി അനസിനും സമന്സ് കിട്ടിട്ടുണ്ട്. തെരഞ്ഞെടുപ്പ് സമയത്ത് വിദേശത്ത് പോയെന്ന് സുരേന്ദ്രന് ഹൈക്കോടതിയില് വാദിച്ച അനസ് ഇതുവരെ വിദേശ യാത്ര നടത്തിയിട്ടില്ലെന്ന് പാസ്പോര്ട്ട് രേഖകള് സാക്ഷ്യപ്പെടുത്തുന്നു. ഗള്ഫിലായിരുന്ന അനസ് വോട്ട് രേഖപ്പെടുത്തിയെന്നായിരുന്ന എന് ഡി എ സ്ഥാനാര്ഥി കെ.സുരേന്ദ്രന്റെ പരാതി.
മഞ്ചേശ്വരം തിരഞ്ഞെടുപ്പില് മരിച്ച നാലുപേരുടെ പേരില് കള്ളവോട്ട് നടന്നെന്നാണ് സുരേന്ദ്രന്റെ ആരോപണം. മരിച്ചവരും സ്ഥലത്തില്ലാതിരുന്നവരുമായ 259 പേരുടെ പേരില് കള്ളവോട്ട് നടന്നിട്ടുണ്ടെന്നും ആരോപിക്കുന്നു. 89 വോട്ടിനാണ് കഴിഞ്ഞ നിയമസഭ തിരഞ്ഞെടുപ്പില് മഞ്ചേശ്വരം മണ്ഡലത്തില് ബിജെപി സ്ഥാനാര്ഥിയായിരുന്ന കെ സുരേന്ദ്രന് പരാജയപ്പെട്ടത്. ആരോപണങ്ങള് ഒന്നൊന്നായി പൊളിഞ്ഞതോടെ സുരേന്ദ്രന് സോഷ്യല്മീഡിയയില് വീണ്ടും പരിഹാസ്യനാകുകയായാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here