തിരുവനന്തപുരം: സ്കോട്ലന്ഡില് ദുരൂഹസാഹചര്യത്തില് കാണാതായ മലയാളി വൈദികനെ മരിച്ചനിലയില് കണ്ടെത്തി. എഡിന്ബറ രൂപതയിലെ ഫാല്കിര്ക് ഇടവകയില് സേവനമനുഷ്ഠിക്കുന്ന ഫാ. മാര്ട്ടിന് വാഴച്ചിറയാണ് മരിച്ചത്. വൈദികന്റെ താമസസ്ഥലത്തിനടുത്തുള്ള ബീച്ചിലാണ് മൃതദേഹം കണ്ടെത്തിയത്.
വൈദികനെ ബുധനാഴ്ച മുതല് കാണാനില്ലെന്ന് എഡിന്ബറ ബിഷപ്പാണ് തിരുവനന്തപുരത്തെ സിഎംഐ പ്രൊവിന്ഷ്യലിനെ അറിയിച്ചത്. രണ്ടു ദിവസം മുന്പ് പള്ളിയും പള്ളിമുറിയും തുറന്നുകിടക്കുന്നത് മൊഴികളുണ്ട്. പഴ്സും പാസ്പോര്ട്ടും മറ്റു വസ്തുക്കളും മുറിയില് തന്നെ ഉണ്ടായിരുന്നു. അതുകൊണ്ട് തന്നെ മോഷ്ടാക്കളുടെ സാന്നിധ്യം പൊലീസ് തള്ളിയിട്ടുണ്ട്.
കഴിഞ്ഞ ചൊവ്വാഴ്ച വരെ മാര്ട്ടിനെ ഫോണില് ലഭിച്ചിരുന്നു. എന്നാല് ബുധനാഴ്ച മൂത്ത സഹോദരന് വിളിച്ചെങ്കിലും വൈദികന് ഫോണെടുത്തില്ല. വീണ്ടും വിളിച്ചപ്പോള് ഫോണ് സ്വിച്ച് ഓഫ് ആയ നിലയിലായിരുന്നെന്നും ബന്ധുക്കള് പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here