തിരുവനന്തപുരം: കൊച്ചിയില് ആക്രമിക്കപ്പെട്ട നടിയെ ചാനല് വാര്ത്തയിലൂടെ നടന് ദിലീപ് പൊതുജനമധ്യത്തില് അപമാനിച്ചെന്ന ഡിജിപിക്ക് നേരിട്ട് പരാതി. ദിലീപിനെതിരെ കേസെടുക്കണമെന്ന് ആവശ്യപ്പെട്ട് പൊതുപ്രവര്ത്തകന് പായ്ച്ചിറ നവാസാണ് ഡിജിപിക്ക് പരാതി നല്കിയത്.
ദിലീപിന്റെ നടപടി ക്രിമിനല് കുറ്റമാണെന്നും രണ്ട് വര്ഷം തടവും പിഴയും, അല്ലെങ്കില് ഇവ രണ്ടും കൂടിയും ശിക്ഷയായി അനുഭവിക്കേണ്ട കുറ്റമാണെന്നും പരാതിയില് പറയുന്നു. ദിലീപിനെതിരെ എഫ്ഐആര് രജിസ്റ്റര് ചെയ്ത് അടിയന്തര നടപടികള് സ്വീകരിക്കണമെന്നാണ് നവാസിന്റെ ആവശ്യം.
പള്സര് സുനിയും നടിയും തമ്മിലുള്ള ബന്ധം സൂചിപ്പിച്ച് ദിലീപ് ഒരു സ്വകാര്യ ചാനല് ഷോയില് പരാമര്ശം നടത്തിയിരുന്നു. നടിയും സുനിയും അടുത്ത സുഹൃത്തുക്കളാണെന്നും ഇവര് ഒരുമിച്ച് ഗോവയിലൊക്കെ വര്ക്ക് ചെയ്തിട്ടുണ്ടെന്നും ദിലീപ് പറഞ്ഞിരുന്നു. ആ സൗഹൃദമാണ് അപകടത്തിന് വഴിവെച്ചതെന്നും ദിലീപ് പറഞ്ഞു. ഇക്കാര്യങ്ങള് എങ്ങനെയറിയാം എന്ന് ചോദ്യത്തിന്, സംവിധായകന് ലാലാണ് അത് പറഞ്ഞതെന്നും ദിലീപ് വ്യക്തമാക്കിയിരുന്നു. എന്നാല് ദിലീപ് തന്റെ വാക്കുകളെ തെറ്റിദ്ധരിച്ചതാണെന്നാണ് ലാല് പറഞ്ഞത.്
നടിയെ നുണപരിശോധനക്ക് വിധേയമാക്കണമെന്ന സലിം കുമാറിന്റെ പരാമര്ശവും വിവാദമായിരുന്നു. തുടര്ന്ന് സലിം കുമാര് മാപ്പു ചോദിച്ച് രംഗത്തെത്തിയിരുന്നു. നടിയുടെ പേര് ഫേസ്ബുക്ക് പോസ്റ്റിലൂടെ വെളിപ്പെടുത്തിയാണ് അജു വര്ഗീസ് രംഗത്തെത്തിയത്. അജുവും പിന്നീട് പേര് പിന്വലിച്ച് ഖേദം പ്രകടിപ്പിച്ചിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here