തിരുവനന്തപുരം: ശബ്ദമില്ലാത്തവരുടെ ശബ്ദമാകാനാണ് തന്റെ പോരാട്ടമെന്ന് രാഷ്ട്രപതി സ്ഥാനാര്‍ത്ഥി മീരാ കുമാര്‍. പാര്‍ശ്വവത്ക്കരിക്കപ്പെട്ടവര്‍ക്ക് നീതി ഉറപ്പാക്കാനാണ് തന്റെ ശ്രമമെന്നും മഹത്തായ മൂല്യങ്ങള്‍ക്ക് വേണ്ടിയാണ് പോരാടുന്നതെന്നും മീരാ കുമാര്‍ പറഞ്ഞു. വ്യക്തികള്‍ തമ്മിലല്ല, നിലപാടുകള്‍ തമ്മിലാണ് ഇത്തവണത്തെ മത്സരമെന്നും അവര്‍ പറഞ്ഞു.
മതനിരപേക്ഷതയ്ക്കും ജനാധിപത്യത്തിനും വേണ്ടിയുള്ള പോരാട്ടത്തിന്റെ പ്രതീകമാണ് മീരാ കുമാറെന്ന് മുഖ്യമന്ത്രി പിണറായി വിജയന്‍ പറഞ്ഞു. മീരാ കുമാറിനെ കേരളം ഒരേ മനസോടെ പിന്തുണയ്ക്കണം. വര്‍ഗീയതയെ ചെറുക്കുന്നതിന്റെ ഭാഗമാണ് മീരാ കുമാറിനുള്ള പിന്തുണയെന്നും മുഖ്യമന്ത്രി പറഞ്ഞു.
വര്‍ഗീയതയ്‌ക്കെതിരായ പോരാട്ടത്തിന്റെ ഭാഗമാണ് മീരാകുമാറിന്റെ സ്ഥാനാര്‍ത്ഥിത്വമെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. മീരാകുമാറിനെ കേരളം ഒറ്റക്കെട്ടായി പിന്തുണയ്ക്കുമെന്നും ചെന്നിത്തല വ്യക്തമാക്കി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
