ദില്ലി: കോലഞ്ചേരി സെന്റ് പീറ്റേഴ്സ് ആന്ഡ് സെന്റ് പോള്സ് പള്ളിയുടെ ഭരണം തങ്ങള്ക്ക് അനുവദിക്കണമെന്ന യാക്കോബായ സഭയുടെ ഹര്ജി സുപ്രീംകോടതി തള്ളി. മലങ്കര സഭയുടെ കീഴിലുള്ള പള്ളികള് 1934ലെ ഭരണഘടന പ്രകാരമാണ് ഭരിക്കേണ്ടതെന്ന് കോടതി വ്യക്തമാക്കി.
കേസുമായി ബന്ധപ്പെട്ട് 1995ലെ വിധി മാത്രമേ നിലനില്ക്കുള്ളൂ എന്നും കോടതി നിരീക്ഷിച്ചു. ജസ്റ്റിസുമാരായ അരുണ് മിശ്ര, അമിതാവ് റോയ് എന്നിവരടങ്ങിയ ബെഞ്ചാണ് വിധിപറഞ്ഞത്.
1913ലെ കരാര് അംഗീകരിച്ച് കോലഞ്ചേരി പളളി ഭരിക്കാന് അനുവദിക്കണമെന്ന് ആവശ്യപ്പെട്ടാണ് യാക്കോബായ സഭ കോടതിയെ സമീപിച്ചത്.
ഇതേ ആവശ്യം നേരത്തെ ജില്ലാ കോടതിയും ഹൈക്കോടതിയും തള്ളിയിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here