തിരുവനന്തപുരം: നടിയെ ആക്രമിച്ച കേസില്‍ ദിലീപിനെ അറസ്റ്റ് ചെയ്ത നടപടിയെ വര്‍ഗീയവത്കരിച്ച് സംഘ്പരിവാര്‍ അനുഭാവികള്‍. ഹിന്ദുവായത് കൊണ്ടാണ് ദിലീപിനെ അറസ്റ്റ് ചെയ്തതെന്നാണ് സംഘികളുടെ പ്രചരണങ്ങള്‍. ശംഖ്‌നാദ്‌കേരള എന്ന ട്വിറ്റര്‍ അക്കൗണ്ടിലൂടെയാണ് ഈ വര്‍ഗീയപ്രചരണം തുടരുന്നത്.
28ന് ട്വീറ്റ് ചെയ്തിരിക്കുന്ന പോസ്റ്റില്‍ പറയുന്നത് ഇങ്ങനെ: ‘മലയാള സിനിമാ മേഖല നിയന്ത്രിക്കുന്നത് കമ്മ്യൂണിസ്റ്റുകളാണ്. ഹിന്ദു നടനായ ദിലീപിനെ കേസിലേക്ക് വലിച്ചിഴയ്ക്കുകയാണ്.’ ഈ പോസ്റ്റില്‍ ആക്രമിക്കപ്പെട്ട നടിയുടെ പേരും ഉള്‍പ്പെടുത്തിയിട്ടുണ്ട്. കഴിഞ്ഞദിവസം ഈ പോസ്റ്റ് റീട്വീറ്റ് ചെയ്ത് ‘അന്ന് പ്രവചിച്ചത് ശരിയായെന്നും കേരളത്തിലും ബംഗാളിലും ഹിന്ദു അഭിനേതാക്കളെ ജയിലിലാക്കുക’യാണെന്നും പറയുന്നു.
#dileeparrested Kerala Film Industry is an organized Crime syndicate with Quotation Teams run by Associations to Target Hindus Celebs
— ShankhNaad Kerala (@ShankhnadKerala) July 11, 2017
ജിഷാ വധക്കേസിലെ പ്രതിയെ മുസ്ലിമായത് കൊണ്ട് രക്ഷപ്പെടുത്തുകയാണെന്നും ഇവര്‍ പ്രചരിപ്പിക്കുന്നു. തുടര്‍ച്ചയായി വര്‍ഗീയ വിഷം വമിക്കുന്ന പോസ്റ്റുകളാണ് ഈ അക്കൗണ്ടില്‍ നിന്നും വന്നുകൊണ്ടിരിക്കുന്നതെന്നും വ്യക്തമാണ്.
Jisha who was brutally murdered and mutiliated by Ameer-Ul-Islam has been sidelined. Did BiryaniSarkar show all this interest then? #dileep
— ShankhNaad Kerala (@ShankhnadKerala) July 11, 2017
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
