നടിയെ ആക്രമിച്ച കേസില്‍ നടന്‍ മുകേഷിന്റെ മൊഴി എടുത്തു. എം എല്‍ എ ഹോസ്റ്റലിലെത്തിയാണ് അന്വേഷണ സംഘം മൊഴി എടുത്തത്. പള്‍സര്‍ സുനിയുമായുള്ള ബന്ധം ചോദിച്ചെന്ന്‌ മുകേഷ് പ്രതികരിച്ചു.
കേസുമായി ബന്ധപ്പെട്ട് കോണ്‍ഗ്രസ് എംഎല്‍എ അന്‍വര്‍ സാദത്ത് നിന്ന് അന്വേഷണ സംഘം മൊഴിയെടുത്തിരുന്നു. തിരുവനന്തപുരത്ത് വെച്ചാണ് മൊഴിയെടുത്തത്. മൊഴിയെടുക്കല്‍ ഒരു മണിക്കൂറോളം നീണ്ടു. ദിലീപുമായുള്ള സാമ്പത്തിക ഇടപാടുകളെക്കുറിച്ച് അന്വേഷണ സംഘം ചോദിച്ചതായി എം എല്‍ എ പറഞ്ഞു.
നടന്‍ ദിലീപിന്റെ അടുത്ത സുഹൃത്തായ ആലുവ എം എല്‍ എ അന്‍വര്‍ സാദത്തിനെതിരെ നേരത്തെ തന്നെ ആരോപണമുയര്‍ന്നിരുന്നു. പുതിയ തെളിവുകള്‍ അന്‍വര്‍ സാദത്തിലേക്ക് വിരല്‍ ചൂണ്ടുന്നതാണെന്നാണ് വ്യക്തമാകുന്നത്.
വ്യക്തമായ തെളിവുകള്‍ ലഭിച്ചതോടെയാണ് ദിലീപിന്റെ ജന്മ സ്ഥലമായ ആലുവ എം എല്‍ എ കൂടിയായ അന്‍വര്‍ സാദത്തിനെ പൊലീസ് ചോദ്യം ചെയ്യ്തത്. നടിയെ ആക്രമിച്ച കേസിലെ മുഖ്യപ്രതി പള്‍സര്‍ സുനിയും നടന്‍ ദിലീപും അന്‍വര്‍ സാദത്തിനെ നിരവധി തവണ ഫോണില്‍ ബന്ധപ്പെട്ടതിന്റെ രേഖകള്‍ അന്വേഷണ സംഘത്തിന് ലഭിച്ചിട്ടുണ്ടെന്നാണ് സൂചന.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
