കുട്ടികളെ താലോലിച്ചോളൂ; പക്ഷേ കുലുക്കി കൊല്ലല്ലേ

മുകളിലേക്ക് ഉയര്‍ത്തി എറിഞ്ഞോ അല്ലാതെയോ, സ്‌നേഹപൂര്‍വമായിട്ടോ ദേഷ്യത്തോടെയോ ,കരച്ചില്‍ നിര്‍ത്തിപ്പിക്കാന്‍ വേണ്ടിയോ ചിരിപ്പിക്കാന്‍ വേണ്ടിയോ ഒക്കെയായി കുട്ടികളെ എടുത്തു കുലുക്കുന്ന ഒരു പതിവ് നമ്മുടെ സമൂഹത്തില്‍ നിലനില്‍ക്കുന്നുണ്ട് .വര്‍ഷത്തില്‍ ലക്ഷത്തില്‍ പരം കുട്ടികളുടെ മരണത്തിനു കാരണമായ ഈ സ്‌നേഹപ്രകടനത്തിന്റെ ഭവിഷ്യത്തുകളെ കുറിച്ച് നമ്മുടെ സമൂഹം ഇനിയും ബോധവാന്മാരല്ല .അറിഞ്ഞിരുന്നു വെങ്കില്‍ എന്നോ ഈ സ്‌നേഹപ്രകടനം അപ്രത്യക്ഷമായേനെ .
ഷൈക്കണ്‍ ബേബി സിന്‍ഡ്രോം (shaken baby syndrome) എന്നാണ് കുട്ടികളെ പിടിച്ചു കുലുക്കുന്നതുമൂലമുണ്ടാവുന്ന സംഭവവികാസങ്ങളെ മൊത്തത്തില്‍ വിശേഷിപ്പിക്കുന്നത് .മൂന്ന് കാര്യങ്ങളാണ് ശരീരത്തില്‍ ഇതുമൂലം പ്രദാനമായും സംഭവിക്കുന്നത് .
1 തലച്ചോറിലെ ആന്തരിക കവജത്തിനുള്ളില്‍ രക്തമുഴയുണ്ടാവുക ,(രക്തം കട്ടപിടിച്ച് )(subdural haematoma )

2 കണ്ണിലെ രക്തക്കുഴല്‍ പൊട്ടി അതില്‍നിന്നും രക്തസ്രാവമുണ്ടാവുക .
(retinal hemorrage)
3 തലച്ചോറിനുള്ളില്‍ നീരുകെട്ടുക (സെറിബ്രല്‍ എടെമ )
പുറത്ത് ബാഹ്യ ലക്ഷണങ്ങള്‍ ഒന്നും ഉണ്ടാവില്ല എന്നതിനാല്‍ കുട്ടികളുടെ പെട്ടെന്നുള്ള പല മരണങ്ങള്‍ക്കും കാരണം ഈ പിടിച്ചുകുലുക്കല്‍ ആയിരുന്നു വന്നത് അറിയാന്‍ കഴിയാതെ പോവുന്നു .കുലുക്കുന്ന അതേ നിമിഷം മരണം സംഭവിക്കില്ല എന്നതിനാല്‍ ഈ പിടിച്ചു കുലുക്കലിന്റെ ഭീകര മുഖം കാണാതെ പോവുന്നു .
കുട്ടികള്‍ ദിനേന 2 മുതല്‍ 3 മണിക്കൂര്‍ വരെ കരയുമെന്നതു ഒരു വസ്തുതയാണ് .പിടിച്ചുകുലുക്കി ചിരിപ്പിച്ച് അത് നിര്‍ത്തേണ്ടതില്ല .
പിടിച്ചുകുലുക്കല്‍ മൂലം തലച്ചോറിനേല്‍ക്കുന്ന ക്ഷതം പിന്നീട് അപസ്മാരത്തിനും മറ്റു തലച്ചോറിന്റെ വയ്കല്യങ്ങള്‍ക്കും കാരണമാവുന്നു .35 ശതമാനത്തോളം ഷൈക്കണ്‍ ബേബി സിന്‍ഡ്രോം മാസങ്ങള്‍ക്കുള്ളില്‍ തന്നെ കുട്ടികളുടെ മരണത്തിലേക്ക് നയിക്കുന്നു .മെഡിക്കല്‍ കോളേജുകളിലെ ന്യൂറോളജി വിഭാഗം ഡോക്ടര്‍മാരും ശിശുരോഗ വിദഗ്ധരും ഈ വിഷയത്തെ ഗൗരവത്തോടെയാണ് കാണുന്നത്. അതിനാല്‍ അവര്‍ ഈ മുന്നറിയിപ്പും നല്‍കുന്നു.
ഈ പിടിച്ചുകുലുക്കല്‍ അഥവാ സ്‌നേഹപ്രകടനം തടയാന്‍വേണ്ടി സമൂഹത്തിലും കുടുംബത്തിലും വിദ്യാലയങ്ങളിലും ബോധവല്ക്കരണം നടത്തിയേ പറ്റൂവെന്നും വിദഗ്ധര്‍ ചൂണ്ടിക്കാട്ടുന്നു.