തിരുവനന്തപുരം: സര്‍ക്കാര്‍ ആശുപത്രികളെ സ്വകാര്യമേഖലയുടെ കൊള്ളയ്ക്ക് വിട്ട് കൊടുക്കുന്ന നടപടി തീര്‍ത്തും അപലപനീയമെന്ന് ആരോഗ്യമന്ത്രി കെ.കെ ശൈലജ ടീച്ചര്‍. കേരളത്തിലെ ജനങ്ങള്‍ക്ക് സൗജന്യമായി ചികിത്സ ലഭ്യമാക്കുന്നതിന് ആശുപത്രികളെ രോഗീ സൗഹൃദമാക്കുന്നതിനാണ് ഈ സര്‍ക്കാര്‍ പ്രയത്‌നിക്കുന്നത്.
അതിനിടയില്‍ സര്‍ക്കാര്‍ ആശുപത്രിയുടെ സ്ഥലം സ്വകാര്യ ആശുപത്രിക്ക് വിട്ട് നല്‍കണമെന്ന കേന്ദ്രസര്‍ക്കാര്‍ നിര്‍ദേശം ഒരു കാരണവശാലും കേരളത്തില്‍ നടപ്പിലാക്കില്ലെന്ന് കെ.കെ.ശൈലജ ടീച്ചര്‍ അറിയിച്ചു.
ആരോഗ്യമേഖല സ്വകാര്യവല്‍ക്കരിക്കാനുള്ള കേന്ദ്ര സര്‍ക്കാരിന്റെ നീക്കത്തിന്റെ ഭാഗമാണ് ഈ നടപടി. ജനങ്ങളുടെ ആരോഗ്യം സംരക്ഷിക്കാന്‍ ഉള്ള ഉത്തരവാദിത്വത്തില്‍ നിന്ന് കേന്ദ്ര സര്‍ക്കാര്‍ പിന്‍മാറുകയാണെന്നും മന്ത്രി കൂട്ടിച്ചേര്‍ത്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
