നടിയെ ആക്രമിച്ച കേസില് ദിലീപിന്റെ മാനേജര് അപ്പുണ്ണി ഇന്ന് അന്വേഷണസംഘത്തിന് മുന്നില് ഹാജരാകും. അപ്പുണ്ണിയുടെ മുന്കൂര് ജാമ്യാപേക്ഷ ഹൈക്കോടതി തള്ളിയതിനെത്തുടര്ന്നാണ് അപ്പുണ്ണി അന്വേഷണസംഘത്തിന് മുന്നില് ഹാജരാകുന്നത്.
കഴിഞ്ഞ ദിവസമാണ് അപ്പുണ്ണിയുടെ മുന്കൂര് ജാമ്യാപേക്ഷ ഹൈക്കോടതി തള്ളിയത്. അപ്പുണ്ണി ചോദ്യം ചെയ്യലിന് ഹാജരാകണമെന്നും കോടതി നിര്ദ്ദേശിച്ചു. അപ്പുണ്ണിയെ പ്രതിയാക്കുന്ന കാര്യം പിന്നീട് തീരുമാനിക്കുമെന്ന് പ്രോസിക്യൂഷന് കോടതിയെ അറിയിച്ചു
കേസിന്റെ ഗൂഢാലോചനയുമായി തനിക്ക് ബന്ധമില്ലെന്ന് ജാമ്യാപേക്ഷയില് അപ്പുണ്ണി വ്യക്തമാക്കിയിരുന്നു. മുഖ്യപ്രതിയായ പള്സര് സുനി നടിയെ ആക്രമിക്കുന്നതിന് ദിലീപിന്റെ മാനേജര് അപ്പുണ്ണിയുമായി അടുപ്പമുള്ളവരുടെ നമ്പറുകളിലേക്ക് നിരന്തരം വിളിച്ചതിന് പോലീസിന് തെളിവ് ലഭിച്ചിരുന്നു. സംഭവം നടക്കുന്നതിന് മുമ്പ് പള്സര് സുനി നിരന്തരം വിളിച്ചിരുന്ന നാല് ഫോണ് നമ്പരുകള് പരിശോധിച്ചതില് നിന്നാണ് ഇക്കാര്യം വ്യക്തമായത്.
പള്സര് സുനി വിളിച്ചതിന് പിന്നാലെ ഇവയില് പല നമ്പരുകളില് നിന്നും അപ്പുണ്ണിയുടെ
നമ്പരുകളിലേക്ക് കോളുകള് വന്നിട്ടുണ്ടെന്നും വ്യക്തമായിരുന്നു. ഇ സാഹചര്യത്തില് കേസില് പ്രതിയായ ദിലീപിനൊപ്പം ഇരുത്തി അപ്പുണ്ണിയെ ചോദ്യം ചെയ്യാന്
പോലീസ് തീരുമാനിച്ചിരുന്നു. കേസില് ദീപിന്റെ മൊഴികളിലെ വൈരുദ്ധ്യം തുറന്നുകാട്ടുന്നതിന് അപ്പുണ്ണിയെ ചോദ്യം ചെയ്യണമെന്നായിരുന്നു പോലീസ് നിലപാട്. ഇതനുസരിച്ച് അപ്പുണ്ണിയെ തേടി പോലീസ് ഏലൂരിലെ വീട്ടിലെത്തിയെങ്കിലും അപ്പുണ്ണി ഒളിവില് പോകുകയായിരുന്നു. അപ്പുണ്ണിക്കായുള്ള തിരച്ചില് പൊലീസ് ഊര്ജിതമാക്കിയ സാഹചര്യത്തിലാണ് മുന്കൂര് ജാമ്യാപേക്ഷയുമായി ഇയാള് കോടതിയെ സമീപിച്ചത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here