കൊച്ചി: നടി ആക്രമിക്കപ്പെട്ട കേസുമായി ബന്ധപ്പെട്ട് നടനും അമ്മയുടെ വൈസ് പ്രസിഡന്റുമായ ഇടവേള ബാബുവിനെ അന്വേഷണസംഘം ചോദ്യംചെയ്യുന്നു. ആലുവ പൊലീസ് ക്ലബില് വച്ചാണ് ചോദ്യംചെയ്യല്. ഒരുമണിയോടെയാണ് ഇടവേള ബാബു പൊലീസ് ക്ലബ്ബില് എത്തിയത്.
അമ്മ സംഘടിപ്പിച്ച ഒരു സ്റ്റേജ് ഷോയ്ക്കിടെ ദിലീപും ആക്രമിക്കപ്പെട്ട നടിയും തമ്മില് തര്ക്കം നടന്നതായി അന്വേഷണസംഘം കണ്ടെത്തിയിരുന്നു. ഇതില് വ്യക്തത വരുത്തുന്നതിനായാണ് സംഘടനാ ഭാരവാഹി കൂടിയായ ഇടവേള ബാബുവിനെ ചോദ്യം ചെയ്യുന്നത്.
ചലച്ചിത്ര മേഖലയിലെ ദിലീപിന്റെ ഇടപെടലുകളെക്കുറിച്ചും ബന്ധങ്ങളെക്കുറിച്ചും അറിയുന്നതിനാണ് ഇടവേള ബാബുവിനെ ചോദ്യംചെയ്യുന്നത്. അമ്മയുടെ പ്രവര്ത്തനങ്ങളെക്കുറിച്ചും ചോദിച്ചറിയും.
നടി ആക്രമിക്കപ്പെട്ട കേസുമായി ബന്ധപ്പെട്ട് കാവ്യ മാധവനെയും അമ്മയെയും ഗായിക റിമി ടോമിയെയും കഴിഞ്ഞദിവസം പൊലീസ് ചോദ്യം ചെയ്തിരുന്നു. ഇതിന് പിന്നാലെയാണ് ഇടവേള ബാബുവിനെയും ചോദ്യം ചെയ്യാന് വിളിച്ചത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here