തിരുവനന്തപുരം: ഐഎംജി ഡയറക്ടര് ജേക്കബ് തോമസിനെതിരെ സിഎജി റിപ്പോര്ട്ട്. തുറമുഖ വകുപ്പ് ഡയറക്ടറായിരിക്കെ വകുപ്പ് ആസ്ഥാന നിര്മ്മാണത്തില് ക്രമക്കേടുകള് കാണിച്ചെന്നാണ് സിഎജി കണ്ടെത്തല്. കെട്ടിട നിര്മാണത്തിന് കോര്പറേഷന്റെ അനുമതി വാങ്ങിയിരുന്നില്ലെന്നും സിഎജി കണ്ടെത്തി.
2009 മുതൽ 2014 വരെ തുറമുഖ ഡയറക്ടറായിരുന്നപ്പോൾ ജേക്കബ് തോമസ് നടത്തിയ പ്രവർത്തനങ്ങളിലാണ് സിഎജി ക്രമക്കേട് കണ്ടെത്തിയത്. പ്രധാനമായും തിരുവനന്തപുരം വലിയതുറയിൽ തുറമുഖ ഡയറക്ട്രേറ്റിനുള്ള കെട്ടിട നിർമ്മാണത്തിൽ നഗരസഭാ സെക്രട്ടറിയുടെ അനുമതി തുറമുഖ ഡയറക്ടർ വാങ്ങിയില്ലെന്നാണ് സിഎജി ഓഡിറ്റിൽ വിമർശിച്ചു. ഇതു കാരണം 2.4 ലക്ഷം രൂപയാണ് നഷ്ടമുണ്ടായത്. PWD മാനുവൽ പ്രകാരമുള്ള ശരിയായ പ്രായോഗികതാ പഠനം നടത്താതെയാണ് സ്ഥലം തെരഞ്ഞെടുത്തതെന്നും റിപ്പോർട്ടിൽ പറയുന്നു. ഇതിന്റെ ഫലമായി 1.93 കോടി ചെലവിട്ട് നിർമ്മിച്ച ഡയറക്ട്രേറ്റ് കെട്ടിടം ഇപ്പോൾ നശിച്ചു കൊണ്ടിരിക്കുകയാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here