അബുദാബി: സര്‍ക്കാര്‍ സേവനങ്ങളെല്ലാം അതിവേഗത്തിലും സ്മാര്‍ട്ട് ആയും നല്‍കുന്ന യു എ ഇ യില്‍ ഇനി വിസ സ്റ്റിക്കറുകള്‍ക്ക് പകരം ഇലക്ട്രോണിക് സംവിധാനം ഒരുങ്ങുന്നു. യു.എ.ഇ.യിലെ താമസക്കാര്‍ക്കായി പാസ്‌പോര്‍ട്ടില്‍ ഇപ്പോള്‍ പതിക്കുന്ന വിസ സ്റ്റിക്കറുകള്‍ക്ക് പകരമാണ് ഇലക്ട്രോണിക് സംവിധാനം ഒരുങ്ങുന്നത്.
നിലവില്‍ പാസ്‌പോര്‍ട്ടില്‍ വിസ സ്റ്റിക്കര്‍ പതിക്കുന്ന സംവിധാനത്തേക്കാള്‍ വേഗത്തിലും ലളിതമായും ഇ വിസ നല്കാന്‍ കഴിയും. ഇ വിസ നല്‍കാനുള്ള സംവിധാനത്തിന് നിലവിലുള്ള പ്രക്രിയയുടെ പാതി സമയം മതിയെന്നും കണക്കാക്കിയിട്ടുണ്ട്. ആഭ്യന്തരമന്ത്രാലയം അധികൃതരാണ് പുതിയ പരിഷ്‌കരണത്തെക്കുറിച്ച് വെളിപ്പെടുത്തിയത്.
യു.എ.ഇ.യുടെ വിഷന്‍ 2021 ല്‍ വിഭാവനം ചെയ്യുന്നതാണ് ഈ ഇലക്ട്രോണിക് സംവിധാനം. അജ്മാനില്‍ ഇതിനകം പരീക്ഷണാടിസ്ഥാനത്തില്‍ നടപ്പാക്കിയ ഇവിസാ സംവിധാനം വിജയകരമാണെന്ന് ബോധ്യപ്പെട്ടതിന്റെ അടിസ്ഥാനത്തിലാണ് പുതിയ സംവിധാനം അധികം വൈകാതെ എല്ലായിടത്തും നടപ്പിലാക്കാനുള്ള ആലോചന സജീവമായത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
