തിരുവനന്തപുരം: മഹാരാജാസ് കോളേജ് യൂണിയന് ചെയര്പേഴ്സണായി തെരഞ്ഞെടുക്കപ്പെട്ട മൃദുല ഗോപിക്ക് അഭിനന്ദനങ്ങളുമായി സിപിഐഎം ജനറല് സെക്രട്ടറി സീതാറാം യെച്ചൂരി.
എഴുപതു കൊല്ലത്തിന് ശേഷമാണ് മഹാരാജാസ് കോളേജ് യൂണിയന് ഒരു അധ്യക്ഷയുണ്ടാകുന്നത്. 47-48 കാലത്താണ് ഇതിനു മുമ്പൊരു പെണ്കുട്ടി മഹാരാജാസ് യൂണിയനെ നയിച്ചത്. അനിയത്തി മേനോനായിരുന്നു അത്. പെണ്കുട്ടികള് കോളേജില് പഠിക്കാന് പോകുന്നതു തന്നെ അപൂര്വ്വമായ അന്ന് അതൊരു അത്ഭുതമായിരുന്നു.
അതിനു ശേഷം മഹാരാജാസ് യൂണിയനെ നയിക്കാന് ഒരു പെണ്കുട്ടിക്ക് ഇട കിട്ടിയിട്ടില്ല. ആ ചരിത്രമാണ് കഴിഞ്ഞ ദിവസം മൃദുല ഗോപി തിരുത്തിയത്. എസ്എഫ്ഐ പ്രതിനിധിയായി മഹാരാജാസ് യൂണിയന് ചെയര്പേഴ്സനായപ്പോള്. ഇപ്പോഴിതാ മൃദുലയുടെ ചരിത്രവിജയത്തിന് ദേശീയ അംഗീകാരം.
‘മൃദുല ഗോപിക്ക് അഭിനന്ദനങ്ങള്’ എന്ന് ഫേസ്ബുക്കില് കുറിച്ചുകൊണ്ട് സീതാറാം യെച്ചൂരി ഈ വിജയത്തെ അടയാളപ്പെടുത്തി. എഴുപതു വര്ഷം കഴിഞ്ഞാണ് ഒരു പെണ്കുട്ടി മഹാരാജാസ് കോളേജ് യൂണിയനെ നയിക്കാനെത്തുന്നതെന്നും യെച്ചൂരി എടുത്തു പറഞ്ഞു. മലയാള പത്രവാര്ത്ത എടുത്തുകൊടുത്തുകൊണ്ടാണ് യെച്ചൂരിയുടെ പോസ്റ്റ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here