കൊച്ചി: നടി ആക്രമിക്കപ്പെട്ട കേസില് ജയിലില് കിടക്കുന്ന ദിലീപിനെ കിംഗ് ലയര് എന്ന് വിശേഷിപ്പിച്ച് പ്രോസിക്യൂഷന്. കേസിലെ ഗൂഢാലോചനക്ക് കൃത്യമായ തെളിവുകളുണ്ടെന്നും പ്രോസിക്യൂഷന് ഹൈക്കോടതിയെ അറിയിച്ചു. തൃശൂര് ടെന്നിസ് ക്ലബ്ബിലെ ജീവനക്കാരന് ദിലീപിനെയും പള്സര് സുനിയെയും ഒരുമിച്ച് കണ്ടതായും പ്രോസിക്യൂഷന് വാദിച്ചു.
ദിലീപിന്റെ ജാമ്യാപേക്ഷയില് വാദം തുടരുകയാണ്.
പള്സര് സുനി ജയിലില് നിന്നെഴുതിയ കത്ത് സംശയാസ്പദമെന്ന് ദിലീപിന്റെ അഭിഭാഷകന് ബി. രാമന്പിള്ള വാദിച്ചു. ദിലീപിന്റെ മുറിയിലെത്തി സുനി ഗൂഡാലോചന നടത്തി എന്നത് സാമാന്യ ബുദ്ധിക്ക് നിരക്കാത്ത കാര്യമാണെന്നും അദ്ദേഹം വാദിച്ചു.
പൊലീസ് മര്ദ്ദനം സംബന്ധിച്ച് ദിലീപ് നേരത്തെ എഴുതിയ കത്തിന്റെ ഭാഷയും ശൈലിയും ഘടനയുമല്ല ഇതില്. കത്തിന്റെ കരട് തയ്യാറാക്കിയത് ജയിലിന് പുറത്താണെന്നും അതിന് പിന്നില് കുശാഗ്രബുദ്ധികളാണെന്നും പ്രതിഭാഗം വാദിച്ചു. അസല് കത്ത് തയ്യാറാക്കിയത് ജയിലിലാണെന്നും രാമന്പിള്ള വാദിച്ചു. പ്രോസികുഷന് തെറ്റിദ്ധാരണ പരത്തുകയാണെന്നും ദിലീപിനെ കുടുക്കലാണ് ലക്ഷ്യമെന്നും രാമന്പിള്ള വാദിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here