തെന്നിന്ത്യന്‍ സിനിമയില്‍ നിന്നും അതിവേഗം ബോളിവുഡിലെത്തിയ നടിയാണ് തപ്‌സി പന്നു. മോഡലില്‍ നിന്നും സിനിമയിലേക്ക് കോളേജില്‍ പഠിക്കുമ്പോള്‍ മുതലാണ് തപ്‌സി എത്തിയത്. 88% മാര്‍ക്കോടെയാണ് തപ്‌സി സിഎടി പാസായത്. അന്നത് പോക്കറ്റ് മണിക്ക് വേണ്ടിയുള്ള പരിപാടി മാത്രമായിരുന്നു. അക്ഷയ് കുമാര്‍, പൃഥ്വിരാജ് എന്നിവര്‍ പ്രധാന കഥാപാത്രങ്ങളെ അവതരിപ്പിച്ച നാം ശബാന എന്ന സിനിമയിലായിരുന്നു അവസാനമായി തപ്‌സി അഭിനയിച്ചിരുന്നത്.
അതിനിടെ നടിയെ തേടി വലിയൊരു അംഗീകാരം വന്നിരിക്കുകയാണ്. ഈ വര്‍ഷത്തെ കരുത്തയായ സ്ത്രീയായിട്ടാണ് തപ്‌സി പന്നുവിനെ തെരഞ്ഞെടുത്തിരിക്കുന്നത്. സ്ത്രീ കഥാപാത്രങ്ങള്‍ക്ക് പ്രധാന്യം നല്‍കി നിര്‍മ്മിച്ച പിങ്ക്, നാം ശബാന, ബേബി എന്നീ ചിത്രങ്ങളിലെ പ്രകടനത്തില്‍ നിന്നും സാവി മാസികയാണ് തപ്‌സിയെ ശക്തയായ സ്ത്രീയായി തെരഞ്ഞെടുത്തത്. തപ്‌സി അഭിനയിച്ച സിനിമകള്‍ വിലയിരുത്തിയായിരുന്നു തെരഞ്ഞെടുപ്പ് നടന്നത്.
തെലുങ്കിലും തമിഴിലും സജീവമായിരുന്ന തപ്‌സി മലയാളത്തിലും ഒരു സിനിമയില്‍ അഭിനയിച്ചിരുന്നു. 2015 ല്‍ പുറത്തിറങ്ങിയ ഒരു സ്‌പൈ ത്രില്ലര്‍ സിനിമയായിരുന്നു ബേബി. നീരജ് പാണ്ഡെ സംവിധാനം ചെയ്ത ചിത്രത്തില്‍ അക്ഷയ് കുമാറും തപ്‌സിയുമായിരുന്നു പ്രധാന കഥാപാത്രങ്ങളെ അവതരിപ്പിച്ചിരുന്നത്.അമിതാഭ് ബച്ചനൊപ്പം തപ്‌സി പന്നു പ്രധാന കഥാപാത്രത്തെ അവതരിപ്പിച്ച സിനിമയാണ് പിങ്ക്.
അക്ഷയ് കുമാറും മലയാളത്തില്‍ നിന്ന് പൃഥ്വിരാജും തപ്‌സിയും കേന്ദ്ര കഥാപാത്രങ്ങളെ അവതരിപ്പിച്ച സിനിമയാണ് നാം ശബാന. തപ്‌സി അവസാനമായി അഭിനയിച്ച സിനിമയും നാം ശബാനയായിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
