യുവതാരങ്ങളില്‍ ശ്രദ്ധേയനായ ടൊവീനോ തോമസിന്റെ തമിഴ് അരങ്ങേറ്റ ചിത്രം അഭിയും അനുവും ടീസര്‍ എത്തി. പ്രശസ്ത ഛായാഗ്രാഹക ബിആര്‍ വിജയലക്ഷ്മി ആദ്യമായി സംവിധാനം ചെയ്യുന്ന ചിത്രത്തില്‍ പിയ ബാജ്‌പേയിയാണ് ടൊവീനയുടെ നായിക.
അഭിയുടെ കഥ അനുവിന്റെയും എന്ന പേരില്‍ മലയാളത്തിലും ചിത്രം പ്രദര്‍ശനത്തിനെത്തും. സുഹാസിനി മണിരത്‌നം, പ്രഭു, രോഹിണി, മനോബോല, ദീപാ രാമാനുജം എന്നിവരും ചിത്രത്തില്‍ അഭിനയിക്കുന്നു.
22 സിനിമകള്‍ക്ക് ഛായാഗ്രഹണം നിര്‍വഹിച്ചിട്ടുള്ള ‘അഭിയും അനുവും’ സംവിധായിക വിജയലക്ഷ്മി ഏഷ്യയിലെ ആദ്യ വനിതാ ഛായാഗ്രാഹകയെന്നാണ് അറിയപ്പെടുന്നത്. സന്തോഷ് ശിവനാണ് ചിത്രത്തിന്റെ എക്‌സിക്യൂട്ടീവ് പ്രൊഡ്യൂസര്‍.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
