താന് ജീവിതത്തില് കണ്ട ഏറ്റവും സുന്ദരിയായ സ്ത്രീയെക്കുറിച്ച് തുറന്ന് പറഞ്ഞ് നടന് മോഹന്ലാല്. ഒരു വാരികയ്ക്ക് നല്കിയ അഭിമുഖത്തിലാണ് ലാലേട്ടന് മനസ് തുറക്കുന്നത്.
മോഹന്ലാലിന്റെ വാക്കുകള് ഇങ്ങനെ: സൗന്ദര്യം എങ്ങനെയാണു ഡിഫൈന് ചെയ്യുക എന്നതാണ് ആദ്യത്തെ പ്രശ്നം. നമുക്ക് എല്ലാ സ്ത്രീകളിലും സൗന്ദര്യം കണ്ടെത്താം എന്നുള്ളതാണ്. എല്ലാവരിലും സൗന്ദര്യത്തിന്റെ ഒരു എലമെന്റ് ഉണ്ടാവും. ശരിക്കുമില്ലേ, എനിക്കു സുന്ദരിയായൊരു സ്ത്രീയെ കാണണം. ഞാന് കണ്ടിട്ടുള്ളതിലും വച്ച് ഏറ്റവും വലിയ സുന്ദരിയെ കാണാനുള്ള വെയ്റ്റിങിലാണു ഞാനെന്നു വേണമെങ്കില് പറയാം.
ഒരു സുന്ദരിയെ കാണുമ്പോള് അടുത്ത ദിവസം അവരേക്കാള് സുന്ദരിയെ കാണും. അതു കഴിഞ്ഞു വീട്ടില് പോകുമ്പോള് നമ്മള് ഭാര്യയെ കാണും. അപ്പോള് തോന്നും അവരാണു സുന്ദരിയെന്ന്. അമ്മയെ കാണുമ്പോള് തോന്നും അമ്മയാണ് വലിയ സുന്ദരിയെന്ന്. പിന്നെ പുറത്തിറങ്ങുമ്പോള്. അങ്ങനെ സൗന്ദര്യങ്ങളിലൂടെ സഞ്ചരിച്ചു സഞ്ചരിച്ച് ഏറ്റവും വലിയ സുന്ദരിയെ കാണാന് വേണ്ടി ഞാന് കാത്തിരിക്കുകയാണ്. ആരെങ്കിലുമുണ്ടെങ്കില് അറിയിക്കുക.- മോഹന്ലാല് പറയുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here