അകാലത്തില്‍ വിടപറഞ്ഞ തിരക്കഥാകൃത്ത് ടി എ റസാഖിന്റെ കുടുംബത്തിനുളള ധനസഹായമാണ് കോഴിക്കോട് നടന്ന ചടങ്ങില്‍ മന്ത്രി ടി പി രാമകൃഷ്ണന്‍ കൈമാറിയത്. ടി എ റസാഖിന്റെ ഭാര്യ ഷാഹിദ, 17 ലക്ഷം രൂപയുടെ ചെക്ക് മന്ത്രിയില്‍ നിന്ന് ഏറ്റുവാങ്ങി.
നടന്‍ മോഹന്‍ലാലിന് ആദരമര്‍പ്പിച്ച് കോഴിക്കോട്ട് നടന്ന മോഹനം പരിപാടി വഴി സമാഹരിച്ച 17 ലക്ഷം രൂപയാണ് കുടുംബത്തിന് കൈമാറിയത്. 10 ലക്ഷം രൂപ ടി എ റസാഖ് ആശുപത്രിയില്‍ ചികിത്സയില്‍ കഴിയവെ നല്‍കിയിരുന്നു.
പരിപാടിയുടെ സംപ്രേഷണം ഏറ്റെടുത്ത സ്വകാര്യ ചാനിലില്‍ നിന്ന് തുക ലഭിക്കാന്‍ വൈകിയതാണ് സഹായം കൈമാറാന്‍ കാലതാമസമുണ്ടാക്കിയതെന്ന് സംവിധായകന്‍ രഞ്ജിത്ത് പറഞ്ഞു.
ചടങ്ങില്‍ ടി എ റസാഖിന്റെ മക്കളായ അനുഷ്, സുനിലാസ്, എം കെ രാഘവന്‍ എം പി, കോഴിക്കോട് കോര്‍പ്പറേഷന്‍ മേയര്‍ തോട്ടത്തില്‍ രവീന്ദ്രന്‍, പി വി ഗംഗാധരന്‍ എന്നിവര്‍ പങ്കെടുത്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
