ഗോരഖ്പുര് ബാബാ രാഘവ് ദാസ് മെഡിക്കല് കോളജില് കുഞ്ഞുങ്ങളുടെ കൂട്ടമരണവുമായി ബന്ധപ്പെട്ട് ശിശുരോഗ വിഭാഗം മുന്തലവന് ഡോ. കഫീല് ഖാന് അറസ്റ്റില്. ദുരന്തം നടക്കുമ്പോള് കഫീല് ഖാനായിരുന്നു ശിശുരോഗ വിഭാഗത്തിന്റെ തലവന്.
അപകടസമയത്ത് തന്റെ ആത്മാര്ത്ഥമായ സേവനം കൊണ്ട് സുമനസ്സുകളുടെ പ്രശംസ പിടിച്ചു പറ്റിയ ഡോക്ടറായിരുന്ന ഇദ്ദേഹത്തെ സ്വകാര്യ പ്രാക്ടീസ് നടത്തിയെന്ന് ആരോപിച്ച് നേരത്തെ് സസ്പെന്റ് ചെയ്തിരുന്നു. ദുരന്തമുണ്ടായ എന്സെഫാലിറ്റിസ് വാര്ഡിന്റെ തലവനാണ് കഫീല് ഖാന്.
ഓക്സിജന് സിലിണ്ടറുകളുടെ ക്ഷാമമാണു ഗോരഖ്പുര് ആശുപത്രിയിലെ കുഞ്ഞുങ്ങളുടെ മരണത്തിലേക്കു നയിച്ചത്. വാടക നല്കാത്തതിനെ തുടര്ന്നു വിതരണക്കമ്പനി ആശുപത്രിയിലേക്കാവശ്യമായ സിലിണ്ടറുകള് നല്കിയിരുന്നില്ല. അതേസമയം, സ്വന്തം കയ്യില്നിന്നു പണം നല്കി ആവശ്യമായ ഓക്സിജന് സിലിണ്ടറുകള് വാങ്ങിയ കഫീല് ഖാനെ സസ്പെന്ഡ് ചെയ്തതു വിവാദമായിരുന്നു
കഫീല് ഖാനടക്കം ഏഴുപേര്ക്കെതിരെ വെള്ളിയാഴ്ച കോടതി ജാമ്യമില്ലാ അറസ്റ്റ് വാറണ്ട് പുറപ്പെടുവിച്ചിരുന്നു.
മുന് പ്രിന്സിപ്പല് ഡോ. രാജീവ് മിശ്രയേയും ഭാര്യ പൂര്ണിമ ശുക്ലയേയും റിമാന്ഡ് ചെയ്തതിനുപിന്നാലെയാണു കഫീല് ഖാന്റെ അറസ്റ്റ്. സംഭവത്തില് ഖാനെ ആശുപത്രിയില്നിന്നു നേരത്തെ സസ്പെന്ഡ് ചെയ്തിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here