പള്സര് സുനിയെ അറിയില്ലെന്ന കാവ്യ മാധവന്റെ മൊഴി തെറ്റെന്ന് റിപ്പോര്ട്ട്. കാവ്യയുടെ സഹോദരന്റെ വിവാഹത്തിന് പള്സര് സുനി പങ്കെടുത്തിരുന്നുവെന്ന് ചില ഓണ്ലൈന് മാധ്യമങ്ങള് റിപ്പോര്ട്ട് ചെയ്യുന്നു.
2014 ഏപ്രില് മാസമായിരുന്നു മിഥുന് മാധവന്റെ വിവാഹം. വീഡിയോ ആല്ബത്തില് നിന്നാണ് പള്സര് സുനി വിവാഹത്തില് പങ്കെടുത്തതായി കണ്ടെത്തിയത്. മാത്രമല്ല, 2015 ഏപ്രില് മാസം കാവ്യയുടെ വെണ്ണലയിലെ വില്ലയില് സുനി എത്തിയതിനും പൊലീസിന്റെ കൈയില് തെളിവുകളുണ്ട്. പള്സര് ബൈക്കിലെത്തിയ സുനിയുടെ ബൈക്ക് നമ്പറും മൊബൈല് നമ്പറും പേരും വില്ലയുടെ സെക്യൂരിറ്റി രജിസ്റ്ററില് രേഖപ്പെടുത്തിയിട്ടുണ്ട്.
വീട്ടിലെത്തിയ സുനി കാവ്യാമാധവന്റെ അച്ഛനേയും അമ്മയേയും അവരുടെ കാറില് കയറ്റി പുറത്തേക്ക് പോയതിനും പൊലീസിന് തെളിവുകളുണ്ട്. ഇക്കാര്യം ചോദ്യം ചെയ്യലില് സുനിയും സമ്മതിച്ചിരുന്നു. സുനി കാവ്യയുടെ പിതാവിനെ ‘ മാധവേട്ടാാ.. ‘ എന്നായിരുന്നു വിളിച്ചിരുന്നത്. ഇതും കാവ്യയുടെ കുടുംബവുമായുള്ള സുനിയുടെ പരിചയത്തിന് കൂടുതല് തെളിവുകളാണെന്ന് മാധ്യമങ്ങള് റിപ്പോര്ട്ട് ചെയ്യുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here