കൊച്ചി: സംസ്ഥാന രാഷ്ട്രീയത്തില് കോളിളക്കമുണ്ടാക്കിയ സോളാര് കേസുമായി ബന്ധപ്പെട്ടുള്ള ജുഡീഷ്യല് കമ്മീഷന് റിപ്പോര്ട്ട് നാളെ സമര്പ്പിക്കും. ജസ്റ്റിസ് ശിവരാജന് കമീഷന് മുഖ്യമന്ത്രി പിണറായി വിജയനാണ് റിപ്പോര്ട്ട് സമര്പ്പിക്കുക. അന്വേഷണം തുടങ്ങി നാലു വര്ഷത്തിന് ശേഷമാണ് റിപ്പോര്ട്ട് സമര്പ്പിക്കുന്നത്.
സര്ക്കാര് തീരുമാനിക്കും
കമീഷന്റെ കാലാവധി ഈ മാസം 27ന് അവസാനിക്കുകയാണ്. റിപ്പോര്ട്ടിന്മേല് തുടര് നടപടികള് സ്വീകരിക്കണോ തള്ളണോ എന്ന് സര്ക്കാര് തീരുമാനിക്കും. നാളെ വൈകുന്നേരം മൂന്ന് മണിക്ക് റിപ്പോര്ട്ട് സമര്പ്പിക്കുമെന്ന് കമ്മീഷന് വ്യക്തമാക്കിയിട്ടുണ്ട്.
മുന് മുഖ്യമന്ത്രി ഉമ്മന്ചാണ്ടിയടക്കമുള്ളവര് ആരോപണവിധേയരായ കേസിലെ ജുഡീഷ്യല് കമ്മീഷന് റിപ്പോര്ട്ട് സംസ്ഥാന രാഷ്ട്രീയത്തെ സംബന്ധിച്ചിടുത്തോളം ഏറെ നിര്ണായകമാണ്.
സൗരോര്ജ്ജ ഫാമുകളും കാറ്റാടിപ്പാടങ്ങളും സ്ഥാപിക്കാമെന്ന് വാഗ്ദാനം നല്കി ബിജു രാധാകൃഷ്ണന് സിഎംഡിയായ ‘ടീം സോളാര്’ കമ്പനി പലരില് നിന്നും കോടിക്കണക്കിന് രൂപ തട്ടിയെടുത്തെന്നാണ് കേസ്. എഴുപതോളം പേരില് നിന്നായി 50 ലക്ഷം രൂപ വരെയാണ് സംഘം തട്ടിയെടുത്തത്. കേസില് ബിജു രാധാകൃഷ്ണന് ഒന്നാം പ്രതിയും സരിത നായര് രണ്ടാം പ്രതിയുമാണ്. തട്ടിപ്പിനായി മുന്മുഖ്യമന്ത്രി ഉമ്മന്ചാണ്ടിയുടെ ഓഫീസ് ദുരുപയോഗം നടത്തിയെന്നും ആരോപണം ഉയര്ന്നു.
കേസുമായി ബന്ധപ്പെട്ട് ഉമ്മന്ചാണ്ടി, മുന് കേന്ദ്രമന്ത്രി കെ.സി വേണുഗോപാല്, ജോസ് കെ. മാണി എം.പി, മുന് മന്ത്രിമാരായ ഷിബു ബേബി ജോണ്, ആര്യാടന് മുഹമ്മദ്, എ.പി അനില്കുമാര്, അടൂര് പ്രകാശ്, എംഎല്എമാരായ പി.സി വിഷ്ണുനാഥ്, ഹൈബി ഈഡന്, മോന്സ് ജോസഫ്, ബെന്നി ബെഹ്നാന്, യുഡിഎഫ് കണ്വീനര് പി. പി തങ്കച്ചന്, പ്രതിപക്ഷ നേതാവ് രമേശ് ചെന്നിത്തല തുടങ്ങിയരെയും കമീഷന് വിസ്തരിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here