കൊച്ചി: നടിയെ ആക്രമിച്ച് ദൃശ്യങ്ങള്‍ പകര്‍ത്തിയ കേസില്‍ ജാമ്യം ലഭിച്ചതോടെ ഇനിയുള്ള രണ്ട് മണിക്കൂര്‍ ദിലീപിനെ സംബന്ധിച്ചടുത്തോളം ഏറെ നിര്‍ണായകമാണ്.
ഇന്ന് പുറത്തിറങ്ങണമെങ്കില്‍ ഇനിയുള്ള രണ്ട് മണിക്കൂറുനകം നടപടിക്രമങ്ങള്‍ പൂര്‍ത്തിയാകണം.
ഹൈക്കോടതിയുടെ വിധിപകര്‍പ്പ് അങ്കമാലി മജിസ്‌ട്രേറ്റ് കോടതിയില്‍ സമര്‍പ്പിക്കുകയാണ് ആദ്യം ചെയ്യേണ്ടത്. ഇത് പരിശോധിച്ച ശേഷം ദിലീപിന് പുറത്തിറങ്ങാനുള്ള ഉത്തരവ് അങ്കമാലി കോടതിയാണ് പുറപ്പെടുവിക്കേണ്ടത്.
കോടതി ഉത്തരവ് പുറപ്പെടുവിച്ചാല്‍ വൈകുന്നേരത്തിനകം ഇത് ജയിലിലെത്തിക്കേണ്ടതുണ്ട്. അറിയിപ്പ് ആലുവ സബ് ജയിലില്‍ എത്തിക്കഴിഞ്ഞാല്‍ അരമണിക്കൂറിനുള്ളില്‍ ദിലീപിന് പുറത്തിറങ്ങാം.
റിലീസിംഗ് ഓര്‍ഡര്‍ വൈകിയാല്‍
എന്നാല്‍ വൈകുന്നേരത്തിനകം അങ്കമാലി കോടതിയില്‍ നിന്നുള്ള റിലീസിംഗ് ഓര്‍ഡര്‍ ജയിലിലെത്തിക്കാനായില്ലെങ്കില്‍ ദിലീപിന് ഇന്ന് പുറത്തിറങ്ങാനികില്ല. അതേസമയം ജയിലിന് പുറത്ത് ദിലീപ് ഫാന്‍സ് അസോസിയേഷന്‍ പ്രതിനിധികള്‍ വലിയ തോതില്‍ എത്തിയിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
