എയര്‍ടെല്ലും ഇപ്പോള്‍ സൂപ്പറാ; പുതിയ അണ്‍ലിമിറ്റഡ് ഓഫറുകള്‍ ജിയോക്ക് വെല്ലുവിളിയാകുന്നു

പരിധികളില്ലാത്ത കോളുകളും ഡേറ്റയുമായി എയർടെൽ പുതിയ ഓഫർ അവതരിപ്പിച്ചു. 495 രൂപയുടെ പുതിയ റീച്ചാർജ് പാക്കിലാണ് 84 ദിവസത്തേക്ക് അണ്‍ലിമിറ്റഡ് കോളുകളും 1ജിബി ഡേറ്റയും ലഭിക്കുന്നത്.

ഈ ഓഫർ എയർടെലിന്‍റെ പുതിയ ഉപഭോക്താക്കൾക്ക് മാത്രമാണ് ലഭിക്കുക. അതും ആദ്യ രണ്ട് റീച്ചാർജുകളിൽ മാത്രം. മഹാരാഷ്ട്ര, ചെന്നൈ എന്നിവിടങ്ങളിൽ ലഭ്യമാകുന്ന ഈ ഓഫർ മുംബൈ സർക്കിളിൽ 99 ഫ്രീ എസ്എംഎസോടു കൂടിയാണ് ലഭിക്കുക.

84 ദിവസം പരിധി

എയർടെൽ പുറത്തിറക്കിയ 84ദിവസപരിധിയിലുള്ള ഈ ഓഫറിന് റിയലന്‍സ് ജിയോ ഓഫറുകളോട് സമാനതകളേറെയാണ്. 399 രൂപ പാക്കിലാണ് ജിയോ ഈ സേവനം നൽകുന്നത്.

1ജിബി ഡേറ്റ ദിവസേന ലഭിക്കുന്ന മറ്റ് ഓഫറുകളും എയർടെൽ പുറത്തിറക്കിയിട്ടുണ്ട്. ജിയോയുമായി മത്സരിച്ചാണ് എയർടെൽ പ്ലാനുകൾ പുരത്തിറക്കുന്നത്.

199 മുതൽ 349,399 തുടങ്ങി അനേകം പ്ലാനുകൾ പട്ടികയിലുണ്ട്. 28ദിവസം കാലപരിധിയിൽ 1ജിബി ഡേറ്റ നർകുന്നവയാണ് 349,399 പ്ലാനുകൾ.