ശബരിമലയെ തായ്ലാന്ഡ് ആക്കാന് അനുവദിക്കില്ലെന്ന പ്രയാര് ഗോപാലകൃഷ്ണന്റെ വിവാദ പരാമര്ശത്തിന് മറുപടിയുമായി ദേവസ്വം മന്ത്രി കടകംപള്ളി സുരേന്ദ്രന്.
പ്രയാര് ഗോപാലകൃഷ്ണന് സ്ത്രീസമൂഹത്തെയും, അയ്യപ്പഭക്തരെയും ഒരു പോലെ അപമാനിച്ചിരിക്കുകയാണ്.
ശബരിമലയെ തായ്ലാന്ഡ് ആക്കാന് അനുവദിക്കില്ലെന്ന പരാമര്ശം എന്ത് അര്ഥത്തിലുള്ളതാണ്.
ശബരിമലയില് 10 വയസ്സിന് താഴെയുള്ളതും അമ്പത് വയസിന് മുകളിലുള്ളതുമായ സ്ത്രീകള്ക്ക് നിലവില് തന്നെ ഒരു വിലക്കുമില്ല.
അവരെയെല്ലാം മോശം പ്രതികരണത്തിലൂടെ അവഹേളിക്കുകയാണ് കോണ്ഗ്രസ് നേതാവ് കൂടിയായ പ്രയാര് ഗോപാലകൃഷ്ണന് ചെയ്തിരിക്കുന്നത്.
കോടതി അനുവദിച്ചാലും മാനവും മര്യാദയുമുള്ള സ്ത്രീകള് ശബരിമല കയറില്ല എന്ന് പ്രയാര് പറയുന്നത് എന്ത് അര്ത്ഥത്തിലാണ്.
ശബരിമല കയറുന്നവരെല്ലാം മോശക്കാരാണെന്നാണോ ? സംസ്കാരശൂന്യമായ ജല്പ്പനങ്ങള് ഉത്തരവാദപ്പെട്ട സ്ഥാനത്തിരുന്ന് നടത്തുന്നത് അംഗീകരിക്കാനാകില്ല.
കോടതിവിധിയെ കുറിച്ച് സംസ്ഥാന സര്ക്കാരിന് ഒരു മുന്വിധിയുമില്ല. കോടതിവിധി എന്ത് തന്നെയായാലും അത് സംസ്ഥാനസര്ക്കാരും, ദേവസ്വംബോര്ഡും അംഗീകരിച്ചേ മതിയാകൂ.
ഈ സാഹചര്യത്തില് കോടതിയെ വെല്ലുവിളിക്കുകയും, ശബരിമലയെയും അയ്യപ്പഭക്തരെയും സ്ത്രീസമൂഹത്തെയും അവഹേളിക്കുകയുമാണ് പ്രയാര് ചെയ്തിരിക്കുന്നത്. കടകംപള്ളി ഫേസ്ബുക്ക് പോസ്റ്റില് പറയുന്നു.
കടകംപള്ളി ഫേസ്ബുക്ക് പോസ്റ്റ് പൂര്ണ രൂപം
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here